1 Tesalonicense 5:6 - Tachi Ak'õre Pedea

⁶ Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

1 Tesalonicense 5:6 ပူးပေါင်းရင်းမြစ်များ

Mateo 13:25

Maamina chi ichi pae pari mimiapataɨrã k'ãi p'anasimisa ichi nek'ĩramá chek'ari ne uu mietá trigo uudade uusima. Maapae wãsima.

Mateo 24:42

»Mãɨpuru tau pará p'anat'ɨ atua p'anɨẽra sãapae chei machi Chipari.

Mateo 25:13

»Mãɨ k'orea mãra tau pará p'anat'ɨ. Mɨ, chi Ẽpẽra Warra chei ewari mãɨnepa chi hora atua p'anɨma.

Mateo 25:5

Chi miak'ãii pada ome ɨmɨk'ĩra tãaraa bada pẽra, jõmãɨrã tap'ok'eadak'ari k'ãisidama.

Mateo 26:38

Mãɨne ãchiá jarasima: —Mɨ piui jĩra bɨma sõp'uapa. Nãma p'aneet'ɨ. Mɨ ome k'ãinawẽa p'anat'ɨ.

Marco 13:37

Chi mɨa mãrá jara bɨt'a ãareaɨrã́ pida jara bɨma: tau pará p'anat'ɨ.

Luca 12:37

Chi chipari chek'ari, chi ichi pae pari mimiapataɨrã chok'ae p'anɨ unuipɨra, ãchi pia ak'ɨipɨ. Mɨa piarã jararuma: ara mãɨne chi chiparipa chi ichi pae pari mimiaparí neet'á jɨ̃k'ari ichi pae pari mimiapataɨrã chik'o k'opataɨde suak'abari beepiipɨ, ãchiá nek'opii k'orea.

Luca 12:39

»Nãɨ k'awat'ɨ: te chiparipa nechɨaparí sãapae chei k'awa bɨpara, k'ãiwẽa bai pasima tede eda wãpiemaapa.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Luca 22:46

Mãɨ k'orea ãchiá jarasima: —¿K'ãre k'orea mãra k'ãi p'anɨma? P'irabaridak'ari Tachi Ak'õrea ɨt'aa chiidit'ɨ machia nemietá ooit'a k'ɨ̃risiadaipɨra, ichia machi k'aripamẽrá.

Hecho 20:31

Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

1 Corintio 16:13

Jĩrak'aua p'anat'ɨ. Jesucristode minachia ĩjãa p'anat'ɨ. Ichidepa p'erawẽa p'anat'ɨ mãɨnepa chaarea p'anat'ɨ.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

P'ilipense 4:5

Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

1 Tesalonicense 4:13

Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

1 Tesalonicense 5:10

Ichi tachi pari piusima. Mãɨpuru tachi chok'ae p'anɨpɨra mãɨyawẽpɨra piudaadapɨra, ichi cherude ichi ome ará chok'ae p'ananaipɨ.

1 Tesalonicense 5:8

Mãɨt'u tachi chi ãst'aapema pẽra ẽrea p'ananai p'anɨma. Cristode ĩjãa p'ananai p'anɨma, waapẽarã k'ɨ̃ria p'ananai p'anɨma, mãɨnepa Tachi Ak'õrepa ɨtɨai pada k'aripait'a nɨ p'ananai p'anɨma. Mãɨya ara tachi pia ak'ɨ p'ananai p'anɨma, papaká bɨpa ichi poro ɨ̃rɨ ne chaarea jɨ̃pari jĩra, mãɨnepa k'ak'uade ne chaarea bɨ jɨ̃pari jĩra.

1 Timoteo 2:15

Maamina warra t'õ p'anɨnepa wẽrarã k'aripaipɨ Cristode ĩjãa p'ananaipɨra, piarã waapẽarã k'ɨ̃ria uru p'ananaipɨra mãɨnepa Tachi Ak'õre pae pia p'ananaipɨra. Jõma mãɨ jĩp'a p'ananai p'anɨma.

1 Timoteo 2:9

Mɨa k'ɨ̃ria bɨma wẽerãpa p'aru ãchi ará jɨ̃namẽrá, wẽerãpa jĩp'a p'anɨrãpa ãchi ará jɨ̃pataɨ jĩra. Ãchi puda minachia pia irudaiwẽa p'anɨma. Nee wa ne achiterrea be minachia jɨ̃naiwẽa p'anɨma. K'ak'apia neepɨa bɨ sida jɨ̃naiwẽa p'anɨma.

1 Timoteo 3:11

Ara mãɨ jĩra wẽrarã jĩp'a nipadai p'anɨma ẽpẽrarãpa wap'eadamẽrá. Waapẽarã k'orea minachia k'achia pedeadaiwẽa p'anɨma. Minachia k'ĩrip'a p'ananaiwẽa p'anɨma mãɨnepa ne ãareaɨne oodai p'ananai p'anɨma ãchia jaradada jĩra.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Tito 2:6

K'ũtãarã́ jaratease k'ɨ̃risia piadepa jĩp'a nipadamẽrá.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

Apocalipsi 16:15

Ãchia chi hebreo pedeade Armagedón apataɨ ĩjũanea chi poro jũra jɨ̃parí jɨ̃ p'anɨrã ateewãsidama. «¡Tau pará p'anat'ɨ! Mɨ nechɨaparí jĩra cheipɨ, chi mãɨ abaɨ pida nɨ p'anɨwẽne. Pia p'ananaipɨ chi mãɨ mɨ nɨ p'anɨrãpa mãɨnepa chi ãchi neet'á oo uru p'anɨrãpa. Mãɨya p'ue ãk'adá wãnaiwẽma mãɨnepa k'ĩra p'eradaiwẽma».

Apocalipsi 3:2

¡Jĩrak'aua p'anat'ɨ! Mɨa unu bɨma mãrapa oo p'anɨ Tachi Ak'õre k'ĩrari jĩp'a bɨwẽt'a. Mãrapa nepia oo p'anɨt'a perá jõma itu bɨmaa p'anɨma. Maamina chi ãareawẽa bɨt'a mãicha jõma oot'ɨ.