1 Tesalonicense 5:10 - Tachi Ak'õre Pedea

¹⁰ Ichi tachi pari piusima. Mãɨpuru tachi chok'ae p'anɨpɨra mãɨyawẽpɨra piudaadapɨra, ichi cherude ichi ome ará chok'ae p'ananaipɨ.

1 Tesalonicense 5:10 ပူးပေါင်းရင်းမြစ်များ

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Juan 10:11

»Mɨ oveja ak'ɨparí chi pia bɨpɨ. Chi oveja ak'ɨparí pia ichi oveja k'orea piui bɨma.

Juan 10:15

Ara mãɨ jĩra mɨ Ak'õrepa mɨ k'awa bɨma mãɨnepa mɨa mɨ Ak'õre k'awa bɨma. Mɨ mɨchi oveja k'orea piui bɨma.

Juan 10:17

»Mɨ Ak'õrepa mɨ k'ɨ̃ria bɨma, ara mɨ itu peapii bɨ pẽra. Maapae mɨ mãicha chok'ae beeipɨ.

Juan 15:13

Ẽpẽra minachia k'ɨ̃ria bɨdepa ichi k'õp'ãero k'orea piui bɨma. Mãɨ k'aepẽra p'ue chi ẽpẽra atepe k'ɨ̃riai bɨt'a newẽma.

Romano 8:34

¿K'aipa tachi nepɨra pará p'anɨane aima? Abaɨ pida mãɨya jaraiwẽma Jesucristo tachi k'orea piuda pẽra. Ichi piu bada chok'ae p'irabarisima. Naapae Tachi Ak'õre juaraari bɨma. Mãma tachi k'orea Tachi Ak'õrea chichupuria idi bɨma.

1 Corintio 15:3

Mɨa chi atepe piipará bɨt'u mãrá jarateasima, ara mɨa k'awada jĩra. Mãɨ nãɨpɨ: Cristo tachi nemietá k'orea piusima Tachi Ak'õre pedeade bɨ bɨ jĩra.

2 Corintio 5:15

Piarã Cristo jõmãɨrã k'orea piuk'ari chok'ae p'irabarisima tachi chok'ae berãpa ara tachia oo k'ɨ̃ria p'anɨ jĩra waa oopidaemaapa, mãɨpari ichia k'ɨ̃ria bɨ jĩra oo p'ananamẽrá.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

1 Tesalonicense 4:13

Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

1 Tesalonicense 4:15

Mãɨ k'orea Tachi Chiparipa jarada taipa mãrá jarautama: Tachi Chipari cherude tachi, chi wapida chok'ae berã chi piudaadarã naa ichimá wãnaiwẽma.

1 Tesalonicense 4:17

Ara mãɨne tachi, chi chok'ae berã, ãchi ome ará ɨt'aa wãnaipɨ Tachi Chipari ome jɨ̃arane chi ununai k'orea. Mãɨya Tachi Chipari ome ewaricha tuananaipɨ.

1 Tesalonicense 5:6

Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

1 Timoteo 2:6

Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima.

2 Timoteo 2:11

Nãɨ pedea piarã arí bɨ pẽra, mãɨne ĩjãanai p'anɨma: Tachi Cristo ome piudaipɨra, ichi ome chok'ae p'ananaipɨ.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.