1 Tesalonicense 5:1 - Tachi Ak'õre Pedea

¹ Ũpẽarã, mɨa nãɨ k'art'ade bɨwẽma mãɨ ewari parudea cheit'a,

1 Tesalonicense 5:1 ပူးပေါင်းရင်းမြစ်များ

Mateo 24:3

Jesú Olivo eyade suak'abari baside ichi ome p'ɨrrɨapataɨrã ichimá wãnak'ari ãchi tuaba nãɨya idisidama: —Taiyá jarase, Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima pɨ cheit'a? Mãɨnepa ¿k'ãrenepa k'awadaima mãɨ jõi ewari k'ait'a parude?

Mateo 24:36

»Maamina abaɨ pida mãɨ ewari sãapae mãɨyait'a k'awadawẽma. Tachi Ak'õrepa ɨt'aripa peedaɨrã pida atua p'anɨma. Mɨ, chi Ẽpẽra Warra pida atua bɨma. Abapuru mɨ Ak'õrepuru mãɨ k'awa bɨma.

Hecho 1:7

Jesupa p'anoosima: —Mãɨ ewari mãrapa k'awadaiwẽa p'anɨma. Aba mɨ Ak'õrepuru mãɨ k'awa bɨma, mãɨ ewari bɨda pẽra.

2 Corintio 9:1

Mãrapa ũpẽarã Jerusalenepema pae erreara jɨrɨp'e p'anɨ k'orea mɨa nãɨ k'art'ade waa bɨiwẽa bɨma,

1 Tesalonicense 4:18

Mãɨ pedeapa ara machi paara sõpia p'aneepit'ɨ.

1 Tesalonicense 4:9

Mãɨ awara mãra sãmaasã́ ũpẽarã ome chi k'ɨ̃ria p'ananai p'anɨ k'orea, mɨa nãɨ k'art'ade ¿k'ãre bɨima? Ara Tachi Ak'õrepa mãrá mãɨ jarateasima.

Juda 1:3

Ũpẽarã, mɨa nãɨ k'art'ade Tachi Ak'õrepa tachi k'aripada k'orea bɨ k'ɨ̃ria basima. Maamina ara nãɨena bɨruma mãra jĩrak'aua p'ananamẽrá. Ara machia ĩjãa p'anɨ k'orea wawá choa p'anat'ɨ. Tachi Ak'õrepa chi piarãpẽa pedea ichi ẽpẽrarã́ barimama teasima. Mãɨ ewariaba pida k'ĩra awara teaiwẽma.