1 Tesalonicense 4:8 - Tachi Ak'õre Pedea

⁸ Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.

1 Tesalonicense 4:8 ပူးပေါင်းရင်းမြစ်များ

Luca 10:16

Maapae ichi ome p'ɨrrɨapataɨrã́ jarasima: «Chi mãra pedea ĩjãa bɨpa mɨ pedea ĩjãa bɨma. Chi mãra unuemaa uru bɨpa mɨ sida unuemaa uru bɨma. Ichiaba chi mɨ unuemaa uru bɨpa mɨ Peeda sida unuemaa uru bɨma».

Juan 12:48

Maamina chi mɨ itu bɨrupa, chi mɨ pedea ũri k'ɨ̃riawẽa bɨpa, mãɨ Tachi Ak'õrepuru ɨtɨaipɨ. K'aadeapema ewaride Tachi Ak'õrepa k'awapiipɨ mãɨ nepɨra pará bɨt'a, mɨa jarada pedea ĩjãawẽa bɨ pẽra.

Hecho 13:41

“Mãrapa chi Tachi Ak'õrepa jara bɨt'a itu bɨ berã, ¡ak'ɨt'ɨ! ¡Ak'ɨɨtua nɨbeet'ɨ! ¡Piut'ɨ! Mɨa nãɨ ewaride ne ooipɨ. Mãɨ abaɨ pida mãrá jararu sida ĩjãanaiwẽma”.

Romano 5:5

Mãɨ seawẽma, mãɨpari piarã jitadaipɨ. Mãɨya k'awa p'anɨma Tachi Ak'õrepa ichi Jaore tachiá teada pẽra. Ichi Jaoredepa tachi sõne k'awapi bɨma tachi piarã minachia k'ɨ̃ria bɨt'a.

1 Corintio 2:10

Jõma makɨɨ Tachi Ak'õrepa ichi Jaoredepa tachiá k'awapisima. Ichi Jaorepa nejõma k'awa bɨma. Chi Tachi Ak'õre k'ɨ̃risia sida jõma k'awa bɨma.

1 Corintio 7:40

Mɨmá mãɨ wẽrapa k'ima ataiwẽpɨra arapá beeipɨ. Ichiaba mɨa k'ɨ̃risia bɨma Tachi Ak'õre Jaorepa mãɨya k'ɨ̃risiapi bɨt'a.

2 Corintio 1:22

Ichi Jaorepa tachicha tauchaapisima ichidirã k'awadamẽrá. Mãɨnepa tachi sõne bɨsima k'awadamẽrá jõma ichia teai jarada piarã atadaipɨ.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

2 Pedro 1:21

Ãchia k'ɨ̃riauta jaradak'a pasima, mãɨpari Tachi Ak'õre pae p'anasida pẽra, ara Ichi Jaoredepa pedeasidama.

1 Juan 3:24

Chi Tachi Ak'õrepa oopi bɨ pedeat'a Tachi Ak'õre ome bɨma, mãɨnepa Tachi Ak'õre ichi ome bɨma. Tachia k'awa p'anɨma Tachi Ak'õre tachi ome bɨt'a, ichi Jaore tachiá teada pẽra.

Juda 1:8

Mãra t'ãena chedada mãɨ ẽpẽrarã jĩra p'anɨma. Ãchia k'ãmok'araautat'a ĩjãapatama. Ãchi k'ak'uapa nemietá oo k'ɨ̃ria bɨt'a oopatama, Tachi Chipari itu bɨpatama, mãɨnepa ɨt'ariapemarã́ k'achia pedeapatama.