1 Tesalonicense 4:5 - Tachi Ak'õre Pedea

⁵ Nãɨ k'ak'uapa nemietá ooyá bɨ oorãt'ɨ Tachi Ak'õrene ĩjãanak'apɨɨrãpa oopata jĩra.

1 Tesalonicense 4:5 ပူးပေါင်းရင်းမြစ်များ

Mateo 6:32

Tachi Ak'õrene ĩjãanak'apɨɨrãpa ãarea mãɨ jɨrɨpatama, maamina mãra Ak'õre pajãne bɨpa k'awa bɨma mãrapa k'ãre uru p'ananai p'anɨt'a.

Luca 12:30

Nãɨ ĩjũanepemarãpa ãarea mãɨ jɨrɨpatama, maamina Tachi Ak'õrepa k'awa bɨma mãrapa k'ãre uru p'ananai p'anɨt'a.

Hecho 17:23

P'uurude p'ɨrrɨa nine mɨa unusima juapa oodada sãdo te minachia p'anɨt'a. Ne paateapataɨde nãɨ pedea bɨ basima: “Tachi Ak'õre chi tachia atua p'anɨ pae ooda”. Chi mãrapa atua p'anɨ Tachi Ak'õrea, mãɨa pia pedeapatama. Ara mãɨ Tachi Ak'õre k'orea mɨa mãrá jararuma.

Romano 1:24

Mãɨ k'orea Tachi Ak'õrepa itu bɨsima ãchi sõne nemietá oo k'ɨ̃ria bɨt'a oodamẽrá. Mãɨpuru k'ĩra p'era oo p'aneesidama.

Romano 1:26

Mãɨpuru Tachi Ak'õrepa itu bɨsima k'ĩra p'era oodamẽrá. Wẽra ɨmɨk'ĩra ome k'ãii pada itu bɨdak'ari abarik'a wẽra ome k'ãi p'aneesidama.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

Gálata 4:8

Naena mãrapa Tachi Ak'õre atua p'anasidaɨde chi piarãwẽ ak'õrene ĩjãa p'anasidama, ãchi pae pari mimiapataɨrã jĩra.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

1 Pedro 4:3

Naena mãrapa nemietá oo p'anapachidama, chi Tachi Ak'õrene ĩjãanak'apɨɨrãpa oopata jĩra. ¡Waa mãɨya oorãt'ɨ! Waapẽarã taade ne k'ĩra p'era oo oopachidama, nãɨ k'ak'uapa nemietá oo k'ɨ̃ria bɨ oopachidama, piu nipapachidama, arapá oopataɨde minachia nemietá oopachidama, waapẽarã paara it'ua minachia topachidama mãɨnepa tachi juapa oodada sãdo k'ɨ̃riapachidama. Mãɨ Tachi Ak'õrepa k'ɨ̃riak'ama.