1 Tesalonicense 4:4 - Tachi Ak'õre Pedea

⁴ Mãra k'ak'ua jĩp'a k'awa uru p'anat'ɨ nemietá oopidaemaapa Tachi Ak'õre k'ĩrari mãɨnepa ẽpẽrarã k'ĩrari pia p'ananamẽrá.

1 Tesalonicense 4:4 ပူးပေါင်းရင်းမြစ်များ

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

Romano 1:24

Mãɨ k'orea Tachi Ak'õrepa itu bɨsima ãchi sõne nemietá oo k'ɨ̃ria bɨt'a oodamẽrá. Mãɨpuru k'ĩra p'era oo p'aneesidama.

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Romano 6:19

Mɨa mãɨya pedea bɨma nãɨ k'ɨ̃risia jarateai k'orea. Mãɨya jaratea bɨma mãrapa mãɨ ãarea ará k'ɨ̃risia ãyá ũripidaemaapa. Piarã naena mãrapa ara mastu teasidama nemietá pae pari mimiapataɨrã p'ananai k'orea. Mãɨya mãrapa k'ĩra p'era oosidaɨde, jõma nemietá ewaricha atepe oo p'anapachidama. Maamina naapae Tachi Ak'õre pae pari mimiapataɨrã pẽra ara mastu teat'ɨ jĩp'a oodai k'orea. Mãɨya Tachi Ak'õre pae pia p'ananaipɨ.

1 Corintio 6:15

¿Mãrapa atua p'anɨk'ãra mãra k'ak'ua Cristodé? Mãɨyara ¿mɨa ará ãpua bɨik'ãra chi Cristodé, wẽra k'achia bɨ ome? ¡Mãɨyawẽma!

1 Corintio 7:2

Maamina mãra t'ãena mãɨya minachia nemietá oopata pẽra ɨmɨk'ĩracha ãchi k'ima uru bai bɨma, mãɨnepa wẽerã pida ãchicha ãchi k'ima uru bai bɨma.

1 Corintio 7:9

Maamina mãra k'ak'uapa k'ɨ̃ria bɨ p'ue choadaepɨra, k'ima atadai p'anɨma. Mãra k'ak'uapa k'ɨ̃ria bɨ k'orea minachia k'ɨ̃risia bai k'aepẽra pia bɨma k'ima atadait'u.

2 Corintio 4:7

Cristo k'orea pedea pia bɨt'a taipa uru p'anɨmina, nãɨ k'ak'ua ɨbɨwẽa bɨma. Chok'o jĩra ãrii bɨma. Mãɨpuru jõmãɨrãpa k'awa p'anɨma tai jua chaareadepa mãɨ pedea jaratea p'anɨwẽt'a, mãɨpari Tachi Ak'õre jua chaarea waibɨa bɨdepa jaratea p'anɨt'a.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.