1 Tesalonicense 4:13 - Tachi Ak'õre Pedea

¹³ Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

1 Tesalonicense 4:13 ပူးပေါင်းရင်းမြစ်များ

Mateo 27:52

P'ẽya te uriade piudada pada t'ɨbaridada ewawãk'oasima. Mãɨne Tachi Ak'õrene ĩjãa berã piudada chok'ará chok'ae p'irabarik'oasidama.

Juan 11:24

Mãɨne Martapa jarasima: —Ãjã, mɨa k'awa bɨma nãɨ k'aadepema ewaride, chi piudaadarã chok'ae p'irabariutade, ichi sida chok'ae p'irabaripiipɨ.

Hecho 13:36

»Daví chok'ae baside Tachi Ak'õrepa ichidepa oosima ichia k'ɨ̃ria bada jĩra. Maapae Daví k'ĩrawẽak'ari t'ɨbarisidama ichi chõarãenapemarã t'ɨbaridaadamá. Mãɨne ichi beraasima.

Hecho 7:60

Maapae sĩraporode k'obeek'ari jĩk'ua jarasima: «Mɨ Chipari, nãɨ ẽpẽerã nepɨra ak'ɨrãse». Mãɨya pedeak'ari k'ĩrawẽasima.

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

1 Corintio 10:1

Ũpẽarã, mɨa k'ɨ̃ria bɨma mãrapa Moisé ewaride mãɨyana k'ɨ̃risia atuadawẽt'a. Mãɨ ewaride jõma tachi chõarãenapemarã Moisé ome p'ɨrrɨadada Tachi Ak'õrepa peeda jɨ̃ara ek'ari nipasidama mãɨnepa P'usa P'urea bɨ k'ĩaria wãsidama.

1 Corintio 12:1

Ũpẽarã, mɨa k'ɨ̃ria bɨma Tachi Ak'õre Jaorepa oopi bɨ k'orea mãrapa minachia k'awadamẽrá.

1 Corintio 15:6

Mãɨya bak'ari ũpẽarã quiniento ará p'anɨa unupisima. Chi eda ãchidiidepema k'ĩrawẽasidama maamina chok'ará wapida chok'ae p'anɨma.

2 Corintio 1:8

Ũpẽarã, mãɨpuru taipa k'ɨ̃ria p'anɨma mãrapa k'awadai tai Asia tuade piarã minachia mĩa p'anasidaɨt'a. Jãɨya tai nepɨrade p'anana pẽra waa p'ue choadaiwẽ k'ɨ̃risiasidama mãɨnepa p'ue chok'ae p'ananaiwẽ k'ɨ̃risiasidama.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

1 Tesalonicense 4:14

Maamina tachia Jesú piu bada chok'ae p'irabarisit'a ĩjãa p'anɨma. Mãɨpuru k'awa p'anɨma Jesude ĩjãapataɨrã piudaadarã Tachi Ak'õrepa jõma chok'ae p'irabaripik'ari ichi ome ateewãipɨ.

1 Tesalonicense 4:15

Mãɨ k'orea Tachi Chiparipa jarada taipa mãrá jarautama: Tachi Chipari cherude tachi, chi wapida chok'ae berã chi piudaadarã naa ichimá wãnaiwẽma.

1 Tesalonicense 5:10

Ichi tachi pari piusima. Mãɨpuru tachi chok'ae p'anɨpɨra mãɨyawẽpɨra piudaadapɨra, ichi cherude ichi ome ará chok'ae p'ananaipɨ.

1 Tesalonicense 5:6

Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

2 Pedro 3:4

Nãɨya oo uru p'ananak'ari jaradaipɨ: «Cristo chei jarada ¿k'ãasãasima? Tachi chõarãenapemarã ãarea piusidama. Maamina nãɨ ĩjũa oodaedapema jõma ara mãɨya bɨma».

2 Pedro 3:8

Maamina ũpẽarã, nãɨ k'ɨ̃risia atuarãt'ɨ: Tachi Chiparimá ewari aba bɨt'a mil ãyo p'anɨ jĩra bɨma mãɨnepa mil ãyo p'anɨt'a ewari aba bɨ jĩra bɨma.