1 Tesalonicense 4:11 - Tachi Ak'õre Pedea

¹¹ Mãɨnepa jɨrɨt'ɨ jõmãɨrã paara ne k'ɨ̃risiadawẽa tuananai k'orea. Waapẽarã nepɨrade barirãt'ɨ. Mãra juapa mimiat'ɨ taipa jaradada jĩra.

1 Tesalonicense 4:11 ပူးပေါင်းရင်းမြစ်များ

Marco 13:34

Mãɨ ewari cheru nãɨ jĩra bɨma: ẽpẽra tua awaraɨdea wãrune chi ichi pae pari mimiapataɨrã ameeparima ichi te ak'ɨdamẽrá. Ãchicha bɨparima ne oodamẽrá. Chi eda wãpataɨ ak'ɨparia jaraparima pia ak'ɨ bamẽrá.

Hecho 20:35

Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».

Romano 12:11

K'oa p'anarãt'ɨ, mãɨpari chok'ea p'anat'ɨ. Tachi Chipari Jesupa k'ɨ̃ria bɨt'a sõnepa jõma oot'ɨ.

Romano 15:20

Piarã chi pedea pia Cristo k'orea mɨa jaratea k'ɨ̃ria bɨma waidi ũrinak'aɨrãmá. Abaɨpa jaratea bɨmá, mɨ mimia k'ɨ̃riawẽma.

1 Corintio 4:12

Tai ɨ̃apaadawẽa mimia p'anɨma ne uru p'ananai k'orea. Ẽpẽrarãpa taiyá piawẽa pedeautade taipa ãchiá pia pedeapatama. Tai piawẽa ooutade choapatama.

2 Corintio 5:9

Mãɨ k'orea nãɨ k'ak'uade p'anɨne wa piusidara, tachia jõma oo k'ɨ̃ria p'anɨma Tachi Ak'õrepa pia unumẽrá.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

1 Timoteo 2:2

Jõma nãɨ ĩjũanepema minachia k'awa berã k'orea mãɨnepa chi poro chaarearã be k'orea Tachi Ak'õrea ɨt'aa chiididai p'anɨma tachi ne k'ɨ̃risiadawẽa p'ananai k'orea, Tachi Ak'õre wap'ea p'ananai k'orea, mãɨnepa ne ãareaɨne jĩp'a p'ananai k'orea.

1 Timoteo 5:13

Mãɨ awara ãchi techa nipapatama mãɨnepa k'oa p'aneepatama. K'oa p'aneenak'ari, chi sea nepɨrɨ p'aneepatama, chĩara nepɨrade p'aneepatama, mãɨnepa ne jarai piawẽa bɨt'a pedea p'aneepatama.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

1 Pedro 3:4

Mãɨpari mãra sõnepuru mip'it'á bai bɨma; sõpiadepa mãɨnepa ne k'ɨ̃risiawẽa bɨdepa bai bɨma. Mãɨ mip'it'á jõk'ama mãɨnepa Tachi Ak'õrepa pia unu bɨma.

1 Pedro 4:15

Mãra minachia mĩanaimina, nãɨnepa mĩanai pia bɨwẽma: mĩa peada k'orea, nechɨada k'orea, nemietá ooda k'orea wa waapẽarã nepɨrade bada k'orea.