1 Tesalonicense 4:10 - Tachi Ak'õre Pedea

¹⁰ Mãrapa jõma ũpẽarã Macedonia ĩjũanepema mãɨya k'ɨ̃ria p'anɨma. Maamina ũpẽarã, taipa mãrá chichupuria idi p'anɨma atepe chi k'ɨ̃ria p'ananamẽrá.

1 Tesalonicense 4:10 ပူးပေါင်းရင်းမြစ်များ

Romano 15:26

Mãɨ erreara ũpẽarã Macedonia tuadepemarãpa mãɨnepa Acaya tuadepemarãpa arapá jɨrɨp'esidama, Tachi Ak'õrene ĩjãapataɨrã Jerusalenepemarã chi nenea k'ede k'aripadai k'orea.

Ep'esio 1:15

Mãɨpuru mãrapa Tachi Chipari Jesude ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a mɨa k'awasiedapema,

P'ilipense 1:9

Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

Colosense 1:4

Taipa ũri p'anɨma mãrapa Jesucristode ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a.

1 Tesalonicense 1:7

Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

2 Tesalonicense 3:4

Tachi Chiparidepa k'awa p'anɨma taipa jarateadada mãrapa piarã oo p'anɨ mãɨnepa oopododaipɨ.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.