1 Tesalonicense 3:4 - Tachi Ak'õre Pedea

⁴ Mãra ome p'anasidaɨde taipa jarapachidama ẽpẽrarãpa tachi nepɨra paraapidai. Mãrapa k'awa p'anɨma piarã mãɨyasit'a.

1 Tesalonicense 3:4 ပူးပေါင်းရင်းမြစ်များ

Mateo 24:25

Jõma makɨɨ mɨa mãrá jarasima mãɨyai naena.

Hecho 17:1

Pablo, Sila mãɨnepa ãchi ome nipadada Amp'ípoli p'uurude mãɨnepa Apolonia p'uurude p'asa wãnak'ari Tesalónica p'uurude pasidama. Mãma judiorã ará pedeapataɨ te basima.

Hecho 17:13

Mãɨmisa judiorã Tesalónica p'uurudepemarãpa k'awasidama Pablopa Tachi Ak'õre pedea Berea p'uurude jaratea bɨt'a. Mãɨpuru mãmá wãnak'ari mãmapemarã k'ĩruupik'apisidama piawẽa oodamẽrá.

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

1 Tesalonicense 2:14

Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

1 Tesalonicense 2:2

K'awa p'anɨma mãramá wãnai naena P'ilipodepemarãpa tai k'orea k'achia pedeasidaɨt'a mãɨnepa piawẽa oosidaɨt'a. Mãɨ awara mãramá chesidaɨde chok'araɨrãpa k'ɨ̃rianaé pasima taipa jaratea p'anɨt'a. Maamina Tachi Ak'õrepa sõpiapisima ichi pedea pia mãrá ne wap'eawẽa jarateadamẽrá.

2 Tesalonicense 2:5

Mãramá baside mɨa ¿mãɨ k'orea jaraé pasik'ãra? ¿K'ɨ̃risiadawẽk'ãra?

2 Tesalonicense 3:10

Mãra t'ãena p'anasidaɨde taipa nãɨ jarasidama: «Chi mimia k'ɨ̃riawẽa bɨa nek'opirãt'ɨ».