1 Tesalonicense 2:9 - Tachi Ak'õre Pedea

⁹ Ũpẽarã, mãrapa k'awa p'anɨma ãst'á mãɨnepa teamasi pida ɨ̃apaadawẽa mimiapachidama erreara ununai k'orea. Taipa pedea pia Tachi Ak'õre k'orea mãrá jaratea p'anasidaɨde k'ɨ̃rianaé pasima mãrapa taiyá ne teadait'a mãra pae chaarea bɨpidaemaapa.

1 Tesalonicense 2:9 ပူးပေါင်းရင်းမြစ်များ

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

Luca 2:37

Ichi p'ẽtã́ beeda ãyo 84 basima. Ewaricha ãst'á, teamasi pida Tachi Ak'õre te minachia bɨdea wãpachima Tachi Ak'õrea pia pedeai k'orea, Tachi Ak'õrene k'ɨ̃risiadayá nek'odak'apɨ́ ewaride ooi k'orea mãɨnepa Tachi Ak'õrea ɨt'aa chiidii k'orea.

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

Hecho 20:31

Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

1 Corintio 4:12

Tai ɨ̃apaadawẽa mimia p'anɨma ne uru p'ananai k'orea. Ẽpẽrarãpa taiyá piawẽa pedeautade taipa ãchiá pia pedeapatama. Tai piawẽa ooutade choapatama.

1 Corintio 9:15

Maamina mɨa mãɨ jitak'ama. Mãɨ k'orea nãɨ k'art'ade mɨa bɨwẽma mãrapa ne teadamẽrá. Mɨa jaratea bɨdepa ne jitak'a pẽra arapá bɨma. Mɨa k'ɨ̃riawẽma mi ãpia pida ne tea bɨdepa mãɨ arapá jõpiit'a. Mɨmá, mãranepema ne jitai k'aepẽra piui pia bɨma.

1 Corintio 9:18

Mãɨyara ¿mɨa jaratea bɨ k'orea, k'ãre jitaima? Ne jitaiwẽma. Sõ arapá bɨma chi pedea pia Cristo k'orea pari jaratea bɨ pẽra. Mɨa jaratea bɨ k'orea ne jitai bɨmina, ne idik'ama.

1 Corintio 9:4

¿Mɨa jaratea bɨdepa, mãra juadepema ne k'oiwẽa bɨk'ãra? ¿Ne toiwẽa bɨk'ãra?

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Corintio 11:9

Mɨ mãramá baside nejõma uru badawẽmina mãrá idié pasima. Mãɨpari mɨa wẽa bada ũpẽarã Macedonianepema chedaadarãpa ãarea teasidama. Mɨa mi ãpia pida mãrá idié pasima mãɨnepa idiwẽa baipɨ.

2 Corintio 6:5

Soapa p'e p'anɨne, eda jɨ̃a nɨbɨ p'anɨne mãɨnepa tai k'orea k'ĩruupik'a p'anɨne mãɨya unupi p'anɨma. Minachia mimia p'anɨne, k'ãinawẽa p'anɨne mãɨnepa nek'odawẽa p'anɨne mãɨya unupi p'anɨma.

P'ilipense 4:16

Mɨ Tesalónica p'uurude baside mãrapa bari k'ak'o minachia ne tea peesidama k'aripadai k'orea.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

1 Tesalonicense 2:2

K'awa p'anɨma mãramá wãnai naena P'ilipodepemarãpa tai k'orea k'achia pedeasidaɨt'a mãɨnepa piawẽa oosidaɨt'a. Mãɨ awara mãramá chesidaɨde chok'araɨrãpa k'ɨ̃rianaé pasima taipa jaratea p'anɨt'a. Maamina Tachi Ak'õrepa sõpiapisima ichi pedea pia mãrá ne wap'eawẽa jarateadamẽrá.

1 Tesalonicense 2:6

Taipa jɨrɨdaé pasima mãrapa, waapẽarã pida tai k'orea pia jaradamẽrá. Mãɨ awara tai Cristopa peedaɨrã pẽra tai jua chaareadepa p'ananai p'anasima mãra t'ãena. Maamina mãɨya oodaé pasima.

1 Tesalonicense 3:10

Ãst'á mãɨnepa teamasi taipa Tachi Ak'õrea ɨt'aa chiidipatama mãra ak'ɨde wãnai k'orea. Mãɨya mãrapa Cristo k'orea waidi atua p'anɨ, taipa p'ue jarateadaipɨ jõma atepe ĩjãanamẽrá.

1 Timoteo 1:11

Tachia chi Tachi Ak'õre k'orea pedea pi-ia jarateautade, mãɨ ãarea k'awapidaipɨ. Tachi Ak'õre pia bɨpa mãɨ mɨá teasima jaratea bamẽrá.

1 Timoteo 4:10

Mãɨ k'orea tachia choa nɨp'anɨne, mimia p'anɨma. Nɨ p'anɨma Tachi Ak'õre chok'ae bɨpa k'aripamẽrá. Ichit'a chi jõmãɨrã K'aripaparipɨ. Piarã, chi ichide ĩjãautat'a k'aripaparipɨ.

1 Timoteo 5:5

P'ẽtã́ piarã ichi tuaba k'ɨrɨpa Tachi Ak'õret'u nɨparima. Ãst'á mãɨnepa teamasi Tachi Ak'õrea ɨt'aa chiidi baparima k'aripamẽrá.

2 Timoteo 1:3

Ãst'á mãɨnepa teamasi mɨa Tachi Ak'õrea ɨt'aa chiidirude pɨ k'orea sõpia bɨade aparima. Tachi Ak'õrepa jara bɨt'a mɨa ooparima, mɨ chõarãenapemarãpa oodada jĩra. Mãɨ mɨ k'ɨ̃risiade mietá bɨwẽanepa ooparima.