1 Tesalonicense 2:8 - Tachi Ak'õre Pedea

⁸ Taipa mãra minachia k'ɨ̃ria p'anɨ pẽra abapuru chi pedea pia Tachi Ak'õre k'orea mãrá jarateadaé pasima, mãɨpari ne ãareanepa k'aripadai k'orea p'anasidama.

1 Tesalonicense 2:8 ပူးပေါင်းရင်းမြစ်များ

Luca 7:2

Mãma papaká berã chi mãɨrã chaarea basima. Ichia ichi pae pari mimiaparí minachia k'ɨ̃ria bɨ uru basima. Maamina mãɨ ichi pae pari mimiaparí k'ɨdade bɨẽra piumaa basima.

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Romano 10:1

Ũpẽarã, mɨa sõnepa k'ɨ̃ria bɨma Tachi Ak'õrepa israel ĩjũanepemarã k'aripait'a. Mãɨ k'orea mɨa Ichiá ɨt'aa chiidi baparima.

Romano 15:29

Mɨa k'awa bɨma mãramá cherude Cristopa tachi minachia k'aripait'a.

2 Corintio 12:15

Ara mɨ mãɨnepa jõma mɨa uru bɨt'a arapá teaipɨ mãra k'aripai k'orea. Mɨ ãpia k'ɨ̃ria p'anɨmina, mɨa mãra atepe k'ɨ̃riapodoipɨ.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

Gálata 4:19

Ũpẽarã, mãra mɨ warrarã jĩra p'anɨpɨ. Mɨ mãicha mãra k'orea minachia mĩa bɨma wẽra warra t'õrune p'ua bɨ jĩra. Mɨ mãɨya minachia mĩa baipɨ aba mãra Cristo jĩra p'aneeutadea.

P'ilipense 1:8

Tachi Ak'õrepa k'awa bɨma mɨa Jesucristo minachia k'ɨ̃ria bɨdepa jõma mãra sida minachia k'ɨ̃ria bɨt'a.

P'ilipense 2:17

Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

P'ilipense 2:20

Nãma mɨ ome ichi jĩra bɨ aba newẽma. Ichia mãra piarã k'aripa k'ɨ̃ria bɨma.

P'ilipense 4:1

Mãɨ k'orea mɨ ũpẽarã, mɨa jarada jĩra Tachi Chiparide minachia ĩjãa p'anat'ɨ. Mɨa mãra minachia k'ɨ̃ria bɨma mãɨnepa unu k'ɨ̃ria bɨma. Mãra k'orea mɨ minachia arapá bɨma. Mãrat'u mɨ arapaapipataɨpɨ.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

Colosense 1:7

Mãɨ pedea tachi ũpẽa Epap'rapa mãrá k'awapisima. Ichi taipa piarã k'ɨ̃ria p'anɨma. Tai ome abarik'a oo bɨma. Ichi Cristo pae pari mimiaparipɨ. Mãra k'aripai k'orea ne ãareaɨne jĩp'a ooparima.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

P'ilemón 1:1

Mɨ Pablopɨ. Jesucristo k'orea eda serra bɨma. Tachi ũpẽa Timoteo nãma bɨma. Ũpẽa P'ilemón, taipa pɨ k'ɨ̃ria p'anɨma. Pɨa tai jĩra Tachi Ak'õrepa oo bɨt'a oo bɨ pẽra mɨa nãɨ k'art'a pɨ pae bɨruma.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.