1 Tesalonicense 2:4 - Tachi Ak'õre Pedea

⁴ Mãɨpari Tachi Ak'õrepa pia ununa pẽra tai bɨsima ichi pedea pia jarateadamẽrá. Mãɨpuru taipa jarateautade, mãɨyanak'ama chi ẽpẽrarãpa tai ak'ɨdak'ari, k'ɨ̃rianamẽrá. Aba jarateapatama tai Tachi Ak'õre ome pia p'ananamẽrá. Ichia k'awa bɨma tachi sõnepa k'ɨ̃risiapataɨt'a.

1 Tesalonicense 2:4 ပူးပေါင်းရင်းမြစ်များ

Luca 12:42

Jesupa p'anoosima: —Te chipari pae pari mimiaparipa k'ɨ̃risia k'awa bɨdepa jĩp'a oo bɨpɨra, chi te chiparipa chi waapẽarã ichi pae pari mimiapataɨrã mãɨ ichi pae pari mimiaparí juade bɨipɨ ãchia ewari ará parude nek'opi bamẽrá.

Luca 16:11

Ara mãɨ jĩra mãrapa nãɨ ĩjũanepema nepia jĩp'a oodaepɨra ¿Tachi Ak'õrepa pajãnepema nepia mãrá teaik'ãra?

Juan 21:17

Jesupa mãicha idisima: —Simón, Joná warra, ¿mɨ k'ɨ̃ria bɨk'ãra? Mãɨpa bari k'ak'o ũpea idi basima. Pedro k'ĩra piawẽa nɨbeesima, Jesupa bari k'ak'o ũpea abarik'a idida pẽra. Maapae ichia jarasima: —Mɨ Chipari, pɨa ne ãarea k'awa bɨma. Pɨa k'awa bɨma mɨa pɨ k'ɨ̃ria bɨt'a. Jesupa jarasima: —Chi mɨne ĩjãa berã minachia ak'ɨ base oveja chak'erã ak'ɨpari jĩra.

Romano 8:27

Mãɨne Tachi Ak'õre tachi sõ ak'ɨparipa ichi Jaorepa ɨt'aa chiidi bɨt'a k'awa bɨma, ichia k'ɨ̃ria bɨ jĩra ichidirã k'orea ɨt'aa chiidipari pẽra.

1 Corintio 7:25

Mãɨ awara chi k'ima waidi atadak'á bee k'orea mɨa jararuma. Tachi Chipari Jesucristopa mɨá mãɨ k'orea jarateapiwẽ pẽra mɨa k'ɨ̃risia bɨt'a jararuma. Mãrapa k'awa p'anɨma Tachi Chiparipa mɨ k'ĩra chupuriada pẽra mɨa piarã jaraparima.

1 Corintio 9:17

Mɨchia k'ɨ̃ria bɨdepa jarateadapara, ne jitai pasima. Maamina mɨchia k'ɨ̃ria bɨdepa jarateawẽa bɨma. Tachi Ak'õrepuru mɨá jarateapisi pẽra, mɨa mãɨya bai bɨma.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 5:11

Tachi Chipari wap'ea p'anɨ pẽra taipa ẽpẽrarã́ jara p'anɨma ichide ĩjãanamẽrá. Tachi Ak'õrepa k'awa bɨma taipa k'ɨ̃risia piadepa jaratea nipadada. Mɨa k'ɨ̃risia bɨma mãra pida mãɨ k'awa p'anɨt'a.

2 Corintio 5:16

Mãɨ k'orea nãɨ ĩjũanepemarãpa waapẽarã ak'ɨpata jĩra naapae taipa mãɨya ak'ɨdak'ama. Naena taipa Cristo k'orea mãɨya k'ɨ̃risia p'anɨmina naapae mãɨya oodak'ama.

Gálata 1:10

Mãɨya jara bɨdepa mɨa jɨrɨwẽa bɨma ẽpẽrarãpa mɨ pia ununait'a, mãɨpari k'ɨ̃ria bɨma Tachi Ak'õrepuru mɨ pia unuit'a. Cristode ĩjãai naena mɨa jɨrɨ bapachima ẽpẽrarãpa mɨ pia ununait'a. Wapida mãɨya oo bɨpara, mɨ Cristo pae pari mimiaparí paiwẽ pasima.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 6:6

Abapuru ichia ak'ɨ bɨde mãɨya oorãt'ɨ, ichi ome pia p'ananai k'orea. Mãɨpari sõnepa oot'ɨ mãra Cristo pae pari mimiapataɨrã pẽra. Tachi Ak'õrepa mãɨya k'ɨ̃ria bɨma.

Colosense 3:22

Chi chipari pae pari mimiapataɨrã, mãra chipari nãɨ ĩjũanepemapa oopirut'a jõma oot'ɨ. Maamina ichia ak'ɨmaa bɨde puru oorãt'ɨ, ichi ome pia p'ananai k'orea. Mãɨpari Tachi Ak'õre wap'ea p'anɨ pẽra sõpiadepa jõma oot'ɨ.

1 Timoteo 6:20

Timoteo, jõma Tachi Ak'õrepa jara peeda minachia ak'ɨse. Chi Tachi Ak'õremá piawẽa bɨ k'orea pedeapataɨ itu bɨse. Mãɨnepa jõma k'ɨ̃risia Tachi Ak'õre pedea ome k'ĩra awara be itu bɨse. Waapẽarãmá mãɨ k'ɨ̃risia pia bɨma. Maamina pia bɨwẽma.

2 Timoteo 1:14

Tachi Ak'õre Jaore tachi sõne baparima. Mãɨneepuru, chi pedea piarã Tachi Ak'õrepa pɨá teada minachia ak'ɨ base.

2 Timoteo 2:2

Mɨa ẽpẽrarã chok'ará k'ĩrari jaratea badat'a pɨa ũrisima. Ara mãɨ jaratea bada pɨa pida waapẽarã ũpẽarã juade bɨese. Waapẽarãpa ãchidepuru ĩjãanai p'anɨma mãɨnepa p'ue pia jarateadai p'anɨma waapẽarã́ jarateadamẽrá.

Tito 1:3

Maapae ichia bɨda ewaride mɨa jaratea bɨdepa ichi pedea Cristo k'orea pia k'awapisima. Mãɨ pedea Tachi Ak'õre chi K'aripaparipa mɨá jarateapisima.

Hebreo 4:13

Tachi Ak'õrepa ne ãarea unuparima. Chi ichia unuwẽa bɨ newẽma. Ichia ooda mãɨnepa tachia mẽra uru p'anɨt'a pia unu bɨma. Ichia tachi ak'ɨrude jõma tachia oodada ichiá jaradai p'anɨma.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.