1 Tesalonicense 2:19 - Tachi Ak'õre Pedea

¹⁹ Piarã tai mãra k'orea arapá p'anɨma. Mãɨ awara k'awa p'anɨma Tachi Chipari Jesucristo cherude taipa mãra jĩp'a p'anɨt'a ichiá unupidaipɨ. Mãɨne ichi k'ĩrari mãra k'orea tai sõpia p'ananaipɨ.

1 Tesalonicense 2:19 ပူးပေါင်းရင်းမြစ်များ

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Juan 21:22

Jesupa p'anoosima: —Mɨa k'ɨ̃ria bɨpɨra ichi chok'ae beeit'a aba mɨ mãicha cherudea ¿pɨa mãɨ k'orea sak'aima? Mɨa k'ɨ̃ria bɨma pɨ mɨ ome p'ɨrrɨait'a.

1 Corintio 15:23

Cristo naa chok'ae p'irabarisima. Ichi mãicha cherude ichidirã chok'ae p'irabaridaipɨ.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

P'ilipense 2:16

Chi tachi chok'ae bapiparí pedea k'orea ãchiá pia k'awapi p'anat'ɨ. Mãɨya Cristo cherude mɨ mãra k'orea arapá baipɨ. Mãɨne mɨa k'awaipɨ pari nipaé pasit'a mãɨnepa pari mimiaé pasit'a.

P'ilipense 4:1

Mãɨ k'orea mɨ ũpẽarã, mɨa jarada jĩra Tachi Chiparide minachia ĩjãa p'anat'ɨ. Mɨa mãra minachia k'ɨ̃ria bɨma mãɨnepa unu k'ɨ̃ria bɨma. Mãra k'orea mɨ minachia arapá bɨma. Mãrat'u mɨ arapaapipataɨpɨ.

1 Tesalonicense 2:20

Piarã mãra k'orea pia pedea k'ɨ̃ria p'anɨma awaraɨrã́, mãɨnepa mãra k'orea tai sõpia p'anɨma.

1 Tesalonicense 3:13

Mãɨnepa ɨt'aa chiidi p'anɨma Cristopa mãra k'aripak'ari, sõnepa minachia ĩjãanamẽrá. Mãɨya Tachi Chipari Jesú jõma ichidirã ome cherude mãra Tachi Ak'õre, tachi Pajãnepema Ak'õre taade nemietá newẽa p'ananaipɨ.

1 Tesalonicense 4:15

Mãɨ k'orea Tachi Chiparipa jarada taipa mãrá jarautama: Tachi Chipari cherude tachi, chi wapida chok'ae berã chi piudaadarã naa ichimá wãnaiwẽma.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.

2 Tesalonicense 2:1

Mãɨ awara ũpẽarã, taipa chichupuria idi p'anɨma Tachi Chipari Jesucristo chei k'orea mãɨnepa tachi ichi ome ará p'ananai k'orea mãrapa minachia k'ɨ̃risiarãt'ɨ. Abaɨ pida Tachi Chiparipa ɨtɨai ewari ará pasiade aipɨra, ne k'ɨ̃risia pará p'anarãt'ɨ. Parituapa Tachi Ak'õrenepa pedea bɨ jĩra mãɨya jaraipɨra, wa mãɨya jarateaipɨra, wa taipa k'art'ade mãɨya bɨsidade aipɨra, ĩjãarãt'ɨ.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Santiago 5:7

Mãɨpuru ũpẽarã, jõma choat'ɨ aba Tachi Chipari cherudea. Ẽpẽra ne uu ĩjũane oo bɨ k'orea k'ɨ̃risiat'ɨ. Ne uuk'ari, ne k'ɨ̃risiawẽa nɨparima k'oe chek'ari, ichi ne uuda t'õnomẽrá mãɨnepa warimẽrá. Ara mãɨya nɨparima k'oe mãicha chek'ari, mãɨ ne uuda pia chaumẽrá.

Santiago 5:8

Ara mãɨ jĩra jõma choa p'anɨnepa nɨ p'anat'ɨ mãɨnepa sõnepa ĩjãa p'anat'ɨ, Tachi Chipari chei ɨ̃rɨ paru pẽra.

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

2 Pedro 1:16

Tachi Chipari Jesucristo jua chaarea k'orea mãɨnepa ichi mãicha chei k'orea taipa mãrá jarateasidaɨde ara tachi k'ɨ̃risiadepa jaradada jarateadaé pasima. Mãɨpari Tachi Chipari Jesú k'ĩrawãrea achiterrea ununana pẽra mãɨya jarateasidama.

2 Pedro 3:4

Nãɨya oo uru p'ananak'ari jaradaipɨ: «Cristo chei jarada ¿k'ãasãasima? Tachi chõarãenapemarã ãarea piusidama. Maamina nãɨ ĩjũa oodaedapema jõma ara mãɨya bɨma».

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.

Apocalipsi 22:12

»¡Ũrit'ɨ, mɨ isapea cheipɨ! Cherude mɨa jõmãɨrã́ ne teade eneemeeipɨ ãchia oodada jĩra.