1 Tesalonicense 2:17 - Tachi Ak'õre Pedea

^17-18 Ũpẽarã, tãaraawẽa bɨma tai mãra ome p'anana ãyá wãnana. Ara nãɨena taipa mãra ununawẽa p'anɨmina k'ɨ̃risiadepa mãra ome p'anɨma. Taipa piarã mãra ak'ɨde wã k'ɨ̃ria p'anasidama maamina tiorepa itu peek'aemaa bɨ jĩra basima. Mɨ piarã mãramá wãyá oo bapachima.

1 Tesalonicense 2:17 ပူးပေါင်းရင်းမြစ်များ

Luca 12:58

Pɨchi nek'ĩramaapa pɨ chi nepɨra ak'ɨparimá ateewãipɨra, ode wãutade ãarea oose ichi ome sõpia beei k'orea. Mãɨya oowẽpɨra ichia pɨ chi nepɨra ak'ɨparí juade bɨipɨ. Maapae chi ak'ɨparipa pɨ chi jɨ̃a nɨbɨpataɨ te ot'eaparia jitapiipɨ eda jɨ̃a nɨbɨmẽrá.

Luca 22:15

Mãɨne ãchiá jarasima: —Mɨ minachia mĩai naena mɨa piarã nãɨ k'opataɨ mãra ome ará k'o k'ɨ̃ria basima.

Hecho 17:10

Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama.

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Romano 15:23

Maamina nãma jõma jarateada pẽra ara nãma k'ait'a newẽma sãma Cristo k'orea jarateait'a. Ewari k'ak'o minachia tãaraa pa basima mɨ mãramá wã k'ɨ̃ria bɨẽra,

1 Corintio 5:3

Mɨ mãra ome bɨwẽmina k'ɨ̃risiadepa mãra ome ará bɨma. Mãɨya bɨde mãra ome bɨ jĩra, mãɨ nemietá oo bɨ ẽpẽra Tachi Chipari Jesú t'ɨ̃nepa ɨtɨasima.

Colosense 2:5

Mɨ mãra ome bɨwẽmina k'ɨ̃risiadepa mãra ome bɨma. Mɨa k'awa bɨma mãra ará pia p'anɨt'a mãɨnepa Cristode minachia ĩjãa p'anɨt'a. Mãɨ k'orea arapá bɨma.

1 Tesalonicense 3:6

Maamina Timoteo mãramá bada taimá chesima. Mãrapa Cristode ĩjãa p'anɨ k'orea mãɨnepa mãra k'ɨ̃ria k'orea ichia pia jarade chesima. Ichia jarasima mãrapa tai k'ɨ̃ria p'anɨane a p'anɨẽra, tai k'ɨ̃risia atuadawẽa p'anɨt'a, ichiaba tai unu k'ɨ̃ria p'anɨt'a taipa mãra unu k'ɨ̃ria p'anɨ jĩra.