1 Tesalonicense 2:14 - Tachi Ak'õre Pedea

¹⁴ Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

1 Tesalonicense 2:14 ပူးပေါင်းရင်းမြစ်များ

Hecho 11:19

Esteban peadak'ari ẽpẽerãpa Jesude ĩjãapataɨrã ẽp'ẽsidama. Mãɨpuru ũpẽarã Jerusalenepa mĩruwãsidama ara tuacha ãchi k'ak'awá. P'enicia tuadea, Chipre ĩjũa p'ɨrra bɨdea mãɨnepa Antioquía p'uurudea wãsidama. Ãchi wãutacha chi pedea Jesú k'orea abapuru judiorã́ jarapachidama.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Hecho 14:19

Listrade p'anɨne waapẽarã judiorã Antioquiadepa mãɨnepa Iconionepa chesidama. Ãchia Listradepemarã́ Pablo k'orea piawẽa k'ɨ̃risiapisidama. Mãɨpuru ãareaɨrãpa Pablo mawarapa bat'asidama. Ichi piuda k'ɨ̃risiasidada pẽra p'uuru tajatá jidibari ateewãsidama.

Hecho 14:2

Maamina chi judiorã Jesude ĩjãawẽa bepa mãɨ judiorãwẽpa chi ũpẽarã k'orea piawẽa k'ɨ̃risiapisidama.

Hecho 14:4

Maamina mãɨ p'uurudepemarãpa awara awará k'ɨ̃risia p'aneesidama. Chi eda waapẽarã Pablo mãɨnepa Bernabé ome p'anasidama, mãɨnepa chi waapẽarã judiorã ome p'anasidama.

Hecho 14:5

Mãɨne judiorã mãɨnepa judiorãwẽ chi p'uurudepema chaarearã ome pedea ausidama Pablo mãɨnepa Bernabé mĩapidak'ari mawarapa bat'a peadai k'orea.

Hecho 17:13

Mãɨmisa judiorã Tesalónica p'uurudepemarãpa k'awasidama Pablopa Tachi Ak'õre pedea Berea p'uurude jaratea bɨt'a. Mãɨpuru mãmá wãnak'ari mãmapemarã k'ĩruupik'apisidama piawẽa oodamẽrá.

Hecho 18:12

Galión apataɨ Acaya ĩjũanepema chi chaarea bɨ beeside judiorãpa ará pedeadak'ari Pablo jitadak'ari, ichi mãɨ Galión k'ĩrari ateesidama.

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.

Hecho 8:3

Mãɨne Saulopa Jesude ĩjãapataɨrã piawẽa oopachima waa ĩjãapidaemaapa. Techa wãk'ari ɨmɨk'ĩrarã mãɨnepa wẽrarã sida jitak'oak'ari chi jɨ̃a nɨbɨpataɨ temá jidibari ateewãpachima.

Hecho 9:1

Mãɨ ewaride Saulopa wapida chi Tachi Chiparide ĩjãapataɨrã peak'oayade a bapachima. P'aare minachia k'awa bɨmá wãk'ari idisima k'art'a teamẽrá. Mãɨ k'art'a Damasco p'uurude judiorã ará pedeapataɨ techa ateei k'ɨ̃risia basima. K'art'ade bɨ basima ãchi t'ãena Jesú Ode nipada ɨmɨk'ĩrarã mãɨnepa wẽrarã sida jitak'ari Jerusalenea ãarea ateewãi bɨt'a.

Hecho 9:13

Mãɨne Ananiapa p'anoosima: —Mɨ Chipari, mɨa jãɨ ẽpẽra k'orea ũri bɨma. Minachia jarapatama Jerusalene ichia pɨ ẽpẽerã minachia mĩapi bɨt'a.

Hecho 9:31

Mãɨmisa Judea tuade, Galilea tuade mãɨnepa Samaria tuade ũpẽarã nek'ĩramariwẽa tuanasidama mãɨnepa ne minachia k'awapodosidama. Tachi Chipari wap'ea p'anɨnepa nipasidama mãɨnepa Tachi Ak'õre Jaore chi jua chaareadepa waripodosidama.

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

1 Corintio 7:17

Tachi Ak'õrepa tachi t'ɨ̃side ara tachi p'anana jĩra p'ananai p'anɨma. K'ak'ua tauchaa basira ara mãɨya bai bɨma. K'ak'ua tauchaawẽa basira ara mãɨya bai bɨma. Tachicha p'ananai p'anɨma Tachi Chiparipa bɨda jĩra. Mɨa ẽpẽrarã Tachi Ak'õrenepemarã becha mãɨya jaratea bɨma.

Gálata 1:22

Cristode ĩjãa be Judea tuadepemarãpa mɨ ununak'a pasima.

1 Tesalonicense 1:1

Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Pajãnepema Ak'õrenepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma. Taipa k'ɨ̃ria p'anɨma mãra ne k'ɨ̃risiadawẽa p'ananamẽrá mãɨnepa mãra Ak'õrepa mãɨnepa Tachi Chipari Jesucristopa ãchi sõpiadepa mãra k'aripa bait'a.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

1 Tesalonicense 3:4

Mãra ome p'anasidaɨde taipa jarapachidama ẽpẽrarãpa tachi nepɨra paraapidai. Mãrapa k'awa p'anɨma piarã mãɨyasit'a.

2 Tesalonicense 1:1

Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Ak'õre Pajãnepemanepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.