1 Tesalonicense 2:11 - Tachi Ak'õre Pedea

¹¹ Mãɨ awara k'awa p'anɨma ak'õrepa ara ichi warrarã ome oopari jĩra taipa machicha mãɨya oo p'anasidama.

1 Tesalonicense 2:11 ပူးပေါင်းရင်းမြစ်များ

Hecho 20:2

Ãarea mãɨ tuade p'ɨrrɨa nipaside ũpẽarã k'aripapachima Tachi Chiparide pia ĩjãanamẽrá. Maapae Grecia tuade chesima.

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

1 Tesalonicense 2:7

Mãɨpari k'ɨ̃ria p'anɨnepa taipa mãra k'aripa p'anasidama chi naepa chi warra chak'erã ak'ɨpari jĩra.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

1 Tesalonicense 5:11

Mãɨ k'orea waapẽarã paara sõpia p'anapit'ɨ. Mãɨnepa chi k'aripa p'anat'ɨ pia ĩjãanai k'orea mãrapa oo p'anɨ jĩra.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

2 Tesalonicense 2:5

Mãramá baside mɨa ¿mãɨ k'orea jaraé pasik'ãra? ¿K'ɨ̃risiadawẽk'ãra?

2 Tesalonicense 3:12

Mãɨ ũpẽarã́ taipa Tachi Chipari Jesucristodepa chichupuria idiutama ne k'ɨ̃risiawẽa mimianamẽrá nek'odai uru p'ananamẽrá.

1 Timoteo 5:21

Tachi Ak'õre k'ĩrari, Cristo k'ĩrari mãɨnepa Tachi Ak'õrepa ɨt'aripa peedarã k'ĩrari mɨa pɨá jararuma: jõma mɨa jarada oose. Mãɨya oorude, ẽpẽra aba bɨ lawari barãse, mãɨpari jõmãɨrã ome abarik'a k'ĩra jĩp'a oo base.

1 Timoteo 5:7

Jõma ũpẽarã́ mãɨ oopise p'ẽtãarã k'orea k'achia pedeadawẽa p'ananamẽrá.

1 Timoteo 6:13

Ãarea chok'ae berã Tachi Ak'õrenepa chok'ae p'anɨma. Ara mãɨ Tachi Ak'õre k'ĩrari mɨa jararuma pɨa oo bamẽrá. Jesucristo k'ĩrari pida abarik'a jararuma ichia piarã pedea Poncio Pilato k'ĩrari jarada jĩra. Mɨa nãɨ jararuma: mɨa jaratea bɨ k'ĩra jĩp'a oo base waapẽarãpa pɨ k'orea k'achia pedeadaemaapa, aba Tachi Chipari Jesucristo cherudea.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

1 Timoteo 6:2

Ãchi chiparipa Cristode ĩjãa bɨpɨra, ãchi p'ue wap'eadaiwẽa p'anɨane adaiwẽa p'anɨma, ũpẽarã pẽra. Mãɨpari ichi pae atepe pia mimianai p'anɨma. Ãchi mimianepa ãchi Cristode ĩjãa bɨ chiparipa erreara jitaparima. Mãɨpuru k'ɨ̃rianepa ichi pae mimianai p'anɨma. Mãɨ jaratea base. Mãɨnepa ãchiá jarase mãɨya oodamẽrá.

Tito 2:15

Jõma mãɨ jaratea base. K'aripase ũpẽarãpa mãɨ pedea oodamẽrá. Piawẽa oo be ɨtɨase, Tachi Ak'õrepa pɨ bɨda pẽra mãɨya oomẽrá. Ũpẽarã́ pɨ k'ɨ̃rianawẽa uru p'anɨpirãse.

Tito 2:6

K'ũtãarã́ jaratease k'ɨ̃risia piadepa jĩp'a nipadamẽrá.

Tito 2:9

Chipari pae pari mimiapataɨrã́ jaratease ãchi chiparipa jara bɨ jõma oodamẽrá. Nejõma pia oodai p'anɨma ãchi chiparipa pia unumẽrá. Ãchi chiparipa jararu k'achia p'anoonai pia bɨwẽma.

Hebreo 13:22

Ũpẽarã, mɨa nãɨ k'art'a teesoawẽa bɨt'a bɨsima mãrapa pia ĩjãanamẽrá. Mãɨpuru mɨa mãrá chichupuria idiruma nãɨ pedea pia ũrinamẽrá.

3 Juan 1:4

Mɨ ũpẽarãpa chi piarãpẽa pedeade nina ũrirune mɨ minachia arapá baparima.