1 Tesalonicense 1:7 - Tachi Ak'õre Pedea

⁷ Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ.

1 Tesalonicense 1:7 ပူးပေါင်းရင်းမြစ်များ

Hecho 1:13

Jerusalene padak'ari chi te ɨt'ɨ pará bɨmá ãchi mãma k'ãipataɨmá wãsidama. Ãchi nãɨrã pasima: Pedro, Juan, Santiago, André, P'elipe, Tomá, Bartolomé, Mateo, Alp'eo warra Santiago, Simón chi Celote mãɨnepa Santiago warra Juda.

Hecho 16:12

Mãmãɨpa P'ilipo p'uurudea jĩte wãnak'ari mãma ewari k'ak'o tãaraawẽa p'anasidama. Mãɨ p'uuru Macedonia tuade p'uuru chi atepe bɨ pasima. Romanepemarã mãma p'anapachidama.

Hecho 18:1

Mãɨya nak'ari Pablo Atena p'uurudepa Corinto p'uurudea wãsima.

Hecho 18:12

Galión apataɨ Acaya ĩjũanepema chi chaarea bɨ beeside judiorãpa ará pedeadak'ari Pablo jitadak'ari, ichi mãɨ Galión k'ĩrari ateesidama.

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Romano 15:26

Mãɨ erreara ũpẽarã Macedonia tuadepemarãpa mãɨnepa Acaya tuadepemarãpa arapá jɨrɨp'esidama, Tachi Ak'õrene ĩjãapataɨrã Jerusalenepemarã chi nenea k'ede k'aripadai k'orea.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

2 Corintio 9:2

mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.

1 Tesalonicense 1:8

Mãɨ ãchit'ura mãranepemarãpa Tachi Chipari pedea ũrinaé pasima, mãɨpari tuacha ẽpẽrarãpa k'awasidama mãrapa Tachi Ak'õrene ĩjãa p'anɨt'a. Mãɨ k'orea ¿taipa mãra k'orea k'ãre waa jaradaima?

1 Tesalonicense 4:10

Mãrapa jõma ũpẽarã Macedonia ĩjũanepema mãɨya k'ɨ̃ria p'anɨma. Maamina ũpẽarã, taipa mãrá chichupuria idi p'anɨma atepe chi k'ɨ̃ria p'ananamẽrá.

1 Timoteo 4:12

Pɨ k'ũtã́ bɨmina abaɨa itu k'aepe bɨ jĩra k'ɨ̃risiapirãse. Mãɨpari pɨa pedearudepa, ne oo bɨdepa, awaraɨrã piarã k'ɨ̃ria bɨdepa, k'ĩra jĩp'a bɨdepa mãɨnepa Cristode ĩjãa bɨdepa ũpẽarã́ unupise sãmaasã́ p'ananai p'anɨt'a.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

1 Pedro 5:3

Chi mãrapa ak'ɨ p'anɨrã, machi pae pari mimiapataɨrã jĩra uru p'anarãt'ɨ, mãɨpari machi nipautadepa unupit'ɨ sãmaasã́ nipadai p'anɨ.