1 Tesalonicense 1:1 - Tachi Ak'õre Pedea

¹ Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Pajãnepema Ak'õrenepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma. Taipa k'ɨ̃ria p'anɨma mãra ne k'ɨ̃risiadawẽa p'ananamẽrá mãɨnepa mãra Ak'õrepa mãɨnepa Tachi Chipari Jesucristopa ãchi sõpiadepa mãra k'aripa bait'a.

1 Tesalonicense 1:1 ပူးပေါင်းရင်းမြစ်များ

Hecho 15:22

Mãɨne chi Jesupa peedaɨrãpa, ũpẽarã ak'ɨpataɨrãpa mãɨnepa ãarea ũpẽarãpa mãɨ jaradada pia ũrisidama. Mãɨpuru chi eda waapẽarã jɨrɨ atasidama Pablo mãɨnepa Bernabé ome Antioquiadea wãnamẽrá. Sila mãɨnepa Juda chi ɨ̃ana t'ɨ̃ Barsabá apataɨ ateewãsidama. Chi waapẽarãpa ũpẽarãpa ãchi k'orea pia k'ɨ̃risiasidama.

Hecho 15:27

Mãɨya taipa Juda mãɨnepa Sila peeutama. Mãɨ ũpẽarãpa taipa nãɨ k'art'ade bɨuta jĩra abarik'a jaradaipɨ.

Hecho 15:40

Mãɨne Pablopa Sila ateewãsima ichi ome wãmẽrá. Ũpẽarãpa Tachi Chipari juade bɨsidama ichi sõpiadepa k'aripamẽrá.

Hecho 16:19

Mãɨne chi ãwẽra chiparirãpa k'awasidama ichidepa waa erreara jitadaiwẽt'a. Mãɨpuru Pablo mãɨnepa Sila jitadak'ari chi p'uuru chaarearãmá ateewãsidama.

Hecho 16:25

Teamasi estarik'a parude Pablopa mãɨnepa Silapa Tachi Ak'õrea ɨt'aa chiidi p'anasidama mãɨnepa ichiá k'ari p'anasidama. Mãɨ waapẽarã jɨ̃a nɨbɨdarãpa ũri p'anasidama.

Hecho 16:29

Maapae chi jɨ̃a nɨbɨpataɨ te ot'eaparipa ĩpira enemeepik'ari Pablo mãɨnepa Sila p'anɨmá isapea eda wãsima. Ne wap'eapa k'ak'ua ore nɨbɨpa ãchi k'ĩrari bedabari k'obeesima.

Hecho 17:11

Berea p'uurudepema judiorã Tesalónica p'uurudepemarã jĩra p'ananaé pasima. Mãɨpari Jesú k'orea ũri k'ɨ̃ria p'anasidama. Ewaricha Tachi Ak'õre pedea minachia jĩrak'aua ak'ɨpachidama ãchia jara p'anɨt'a piarã k'awadai k'orea.

Hecho 18:5

Mãɨya bɨde Sila mãɨnepa Timoteo Macedonia tuadepa chesidama. Mãmãɨpa Pablopa ewaricha Tachi Ak'õre pedea jaratea bapachima. Ichia judiorã́ jarapachima Jesú piarã Tachi Ak'õrepa Tachi K'aripaparí teai jaradat'a.

Hecho 19:22

Mãɨpuru ichi k'aripapataɨrã Timoteo mãɨnepa Erasto Macedonia tuadea naa peesima maamina ichi Asia tuade beesima.

Hecho 20:4

Ichi ome nãɨrã Asia tuadea wãsidama: chi Berea p'uurudepema Pirro warra Sópater, Tesalónica p'uurudepema Segundo mãɨnepa Aristarco, Derbe p'uurudepema Gayo; mãɨnepa Asia tuadepema Tík'ik'o mãɨnepa Tróp'imo. Timoteo sida ichi ome wãsima.

Romano 1:7

Mɨa nãɨ k'art'a bɨruma ãarea Romanepema ũpẽarã pae. Tachi Ak'õrepa mãra k'ɨ̃ria bɨma mãɨnepa t'ɨ̃sima ichi ẽpẽrarã p'ananamẽrá. Mɨa k'ɨ̃ria bɨma Tachi Pajãnepema Ak'õrepa, Tachi Chipari Jesucristo ome ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

1 Corintio 1:2

Mɨa nãɨ k'art'a bɨruma chi ẽpẽrarã Tachi Ak'õrenepemarã Corinto p'uurudepema pae. Jesucristodepa Tachi Ak'õrepa mãra awara bɨsima ichi pae pia p'ananamẽrá. Ara mãɨ jĩra ichia tuacha jõma Tachi Chipari Jesucristoa ɨt'aa chiidipataɨrã awara bɨsima. Ichi ãchi Chiparipɨ mãɨnepa Tachi Chiparipɨ.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

2 Corintio 1:19

Silvanopa, Timoteopa, mɨa pida mãrá Tachi Ak'õre Warra Jesucristo k'orea jaratea p'anasidama. Jesucristopa ooyade ada mãicha oowẽane ak'ama. Ichia ooyade ada jõma ooparima.

Gálata 1:2

Mɨa nãɨ k'art'a bɨruma ũpẽarã Galacia tuadepemarã pae. Jõma ũpẽarã mɨ ome p'anɨrãpa k'ɨ̃ria p'anɨma,

Gálata 1:22

Cristode ĩjãa be Judea tuadepemarãpa mɨ ununak'a pasima.

Ep'esio 1:2

Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristopa ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

Colosense 1:1

Mɨ Pablopɨ. Tachi Ak'õrepa pari k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma.

2 Tesalonicense 1:1

Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Ak'õre Pajãnepemanepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma.

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

2 Timoteo 1:2

Timoteo, nãɨ k'art'a pɨ pae bɨruma. Mɨa pɨ minachia k'ɨ̃ria bɨma mɨ warra jĩra. K'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida pɨ k'ĩra chupuria p'anapiit'a, ãchi sõpiadepa k'aripa p'ananait'a mãɨnepa ne k'ɨ̃risiawẽa p'anapiit'a.

Hebreo 13:23

K'awat'ɨ tachi ũpẽa Timoteo eda jɨ̃a nɨbada awara wãsit'a. Ichi isapea mɨmá cheipɨra, mãra ak'ɨde wãrune mɨa ichi ateewãipɨ.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

1 Juan 1:3

Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.