1 Pedro 5:8 - Tachi Ak'õre Pedea

⁸ Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

1 Pedro 5:8 ပူးပေါင်းရင်းမြစ်များ

Mateo 13:39

Chi nek'ĩramá, mãɨpa ne uu mietá uuda jara k'ɨ̃ria bɨma tiore mietapɨ. Chi ne uu ĩjũa chaudai ewari jara k'ɨ̃ria bɨma nãɨ jõi ewari. Chi ne uu ĩjũa chauparí ewari mimiapataɨrã jara k'ɨ̃ria bɨma Tachi Ak'õrepa ɨt'aripa peedarã.

Mateo 24:42

»Mãɨpuru tau pará p'anat'ɨ atua p'anɨẽra sãapae chei machi Chipari.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 4:1

Mãɨya bak'ari Tachi Ak'õre Jaorepa Jesú ĩjũa pania newẽa bɨdea enemeesima. Maapae tiorepa ichiá mĩesa jarasima nemietá oomẽrá.

Mateo 4:11

Ara mãɨne tiore Jesuk'á bada ãyá wãsima. Mãɨne Tachi Ak'õrepa ɨt'aripa peedaɨrã Jesumá chedak'ari ichiá nek'opisidama.

Marco 4:15

Chi net'a tau ode baeda chi Tachi Ak'õre pedea ũri p'anɨrã jĩra bɨma. Mãɨ pedea ũri p'anɨma, maamina ara mãɨne tiore chek'ari mãɨ pedea ãchi sõne cheda k'ɨ̃risia atuapiparima.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Luca 22:31

Mãɨ awara Tachi Chiparipa jarasima: «Simón, Simón, tiorepa Tachi Ak'õrea idisima mãra oo bɨdepa mɨne ĩjãa p'anɨ itu bɨpii k'orea.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

2 Corintio 2:11

Mãɨya mɨa mãɨ k'ɨ̃risia atuasima tiorea tachi seapiemaapa. Ichia sãmaasã́ oopari tachia minachia k'awa p'anɨma.

Ep'esio 4:27

Tiorea itu seapirãt'ɨ.

Ep'esio 6:11

Chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ, mãra chaarea p'ananai k'orea, tiorea seapiemaapa.

1 Timoteo 2:15

Maamina warra t'õ p'anɨnepa wẽrarã k'aripaipɨ Cristode ĩjãa p'ananaipɨra, piarã waapẽarã k'ɨ̃ria uru p'ananaipɨra mãɨnepa Tachi Ak'õre pae pia p'ananaipɨra. Jõma mãɨ jĩp'a p'ananai p'anɨma.

1 Timoteo 2:9

Mɨa k'ɨ̃ria bɨma wẽerãpa p'aru ãchi ará jɨ̃namẽrá, wẽerãpa jĩp'a p'anɨrãpa ãchi ará jɨ̃pataɨ jĩra. Ãchi puda minachia pia irudaiwẽa p'anɨma. Nee wa ne achiterrea be minachia jɨ̃naiwẽa p'anɨma. K'ak'apia neepɨa bɨ sida jɨ̃naiwẽa p'anɨma.

1 Timoteo 3:11

Ara mãɨ jĩra wẽrarã jĩp'a nipadai p'anɨma ẽpẽrarãpa wap'eadamẽrá. Waapẽarã k'orea minachia k'achia pedeadaiwẽa p'anɨma. Minachia k'ĩrip'a p'ananaiwẽa p'anɨma mãɨnepa ne ãareaɨne oodai p'ananai p'anɨma ãchia jaradada jĩra.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

2 Timoteo 4:17

Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima.

Tito 1:8

Mãɨpari ichi tede cheutarã́ ãarea pia pedeai bɨma, nejõma nepia oo k'ɨ̃ria bai bɨma, k'ɨ̃risia piadepa bai bɨma, jĩp'a bai bɨma, Tachi Ak'õre pae bai bɨma, mãɨnepa ichia ichi k'ak'ua jĩp'a uru bai bɨma.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Tito 2:2

Chõarã́ jaratease ãchi k'ak'ua jĩp'a uru p'ananamẽrá, k'ĩra jĩp'a p'ananamẽrá, k'ɨ̃risia piadepa nipadamẽrá, Cristode minachia ĩjãa p'ananamẽrá, piarã k'ɨ̃rianepa p'ananamẽrá, mãɨnepa jõma choadamẽrá.

Tito 2:4

Ãchia ãwẽerã́ jarateadai p'anɨma ãchi k'ima mãɨnepa ãchi warrarã k'ɨ̃rianamẽrá, k'ɨ̃risia piadepa nipadamẽrá, wẽra jĩp'a p'ananamẽrá, ãchi te pia ak'ɨdamẽrá, sõpia p'ananamẽrá, mãɨnepa ãchi k'imapa jara bɨ ũrinamẽrá. Mãɨya abaɨ pida Tachi Ak'õre pedea k'achia pedeadaiwẽma.

Tito 2:6

K'ũtãarã́ jaratease k'ɨ̃risia piadepa jĩp'a nipadamẽrá.

Santiago 4:7

Mãɨ k'orea Tachi Ak'õre juade p'anat'ɨ. Tiore ĩjãarãt'ɨ. Mãɨya ichi mãramaapema mĩruwãipɨ.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

Apocalipsi 12:10

Mãɨne mɨa ũrisima aba chi pajãne jĩk'ua pedeamaa bɨt'a. Mãɨpa nãɨya jarasima: «Idi Tachi Ak'õrepa ichi ẽpẽerãt'a k'aripamaa bɨma. Idi ichi jua chaareadepa jõmãɨrã chipari baipɨ mãɨnepa ichidirã ichi juade baipɨ. Cristo ichia Tachi K'aripaparí teai jaradapa ãarea p'ueipɨ. Chi tachi ũpẽarã k'orea nemietá pedeaparit'a pajãnepa nãɨ ĩjũanea bat'a peesima. Ichia ãst'á mãɨnepa teamasi Tachi Ak'õre k'ĩrari tachi ũpẽarã k'orea nemietá pedeapachima.

Apocalipsi 12:12

¡Mãɨpuru chi ãarea pajãne nɨbɨ arapaat'ɨ! Maamina chi nãɨ ĩjũane nɨbɨ mãɨnepa chi p'usade nɨbɨ sõk'achiadaipɨ, tiore ãchimá chesideepuru. Tiorepa Jesú minachia tãaraa baiwẽ k'awa bɨ pẽra minachia k'ĩruu bɨma».

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Apocalipsi 20:2

Chi je jitak'ari mil ãyo jɨ̃ nɨbɨsima. Mãɨ je chi chõarãenapema taamapɨ. Tiore mãɨnepa Tiore apatama.