1 Pedro 5:3 - Tachi Ak'õre Pedea

³ Chi mãrapa ak'ɨ p'anɨrã, machi pae pari mimiapataɨrã jĩra uru p'anarãt'ɨ, mãɨpari machi nipautadepa unupit'ɨ sãmaasã́ nipadai p'anɨ.

1 Pedro 5:3 ပူးပေါင်းရင်းမြစ်များ

Juan 13:15

Mɨa jãɨya unupisima ara machicha chi k'aripadamẽrá.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

1 Corintio 11:11

Maamina Tachi Chiparide ĩjãa p'anɨ pẽra wẽrapa chi ɨmɨk'ĩra k'aripai bɨma mãɨnepa ɨmɨk'ĩrapa chi wẽra k'aripai bɨma.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

1 Corintio 3:9

Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

2 Corintio 1:24

Taipa jara p'anɨ jĩra oopidaiwẽma, mãrapa Cristode minachia ĩjãa p'anɨ pẽra. Abapuru mãra k'aripa k'ɨ̃ria p'anɨma arapá p'ananamẽrá.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

P'ilipense 3:17

Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ.

P'ilipense 4:9

Mɨa jarateada, chi mãrapa mɨnepa k'awadada, mɨnepa ũrinana mãɨnepa ununana jõma oo p'anat'ɨ. Mãɨne Tachi Ak'õre mãra ome baipɨ mãɨnepa mãra ne k'ɨ̃risiawẽa bɨipɨ.

1 Tesalonicense 1:7

Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ.

2 Tesalonicense 3:9

Piarã mãrapa k'aripadamẽrá taipa p'ue ne ididai p'anasidamina, ididaé pasima. Mãɨpari tai mimiasidama k'awapidai k'orea mãrapa abarik'a oodai p'anɨ.

1 Timoteo 4:12

Pɨ k'ũtã́ bɨmina abaɨa itu k'aepe bɨ jĩra k'ɨ̃risiapirãse. Mãɨpari pɨa pedearudepa, ne oo bɨdepa, awaraɨrã piarã k'ɨ̃ria bɨdepa, k'ĩra jĩp'a bɨdepa mãɨnepa Cristode ĩjãa bɨdepa ũpẽarã́ unupise sãmaasã́ p'ananai p'anɨt'a.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.