1 Pedro 4:9 - Tachi Ak'õre Pedea

⁹ Chi mãra tiida cheutarã́ k'achia k'ɨ̃risiadawẽa pia pedeat'ɨ.

1 Pedro 4:9 ပူးပေါင်းရင်းမြစ်များ

Romano 12:13

Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

Romano 16:23

Ũpẽa Gayo pida k'ɨ̃ria bɨma mãra pia tuananait'a. Mɨ ichi tiida bɨma. Ũpẽarã jõmãɨrã ichi tiida ará nɨp'anaparima. Nãɨ p'uurudepema erreara ak'ɨparí Erastopa mãɨnepa ũpẽa Cuartopa k'ɨ̃ria p'anɨma mãra pia tuananait'a.

2 Corintio 9:7

Ẽpẽracha teai bɨma ichi sõne k'ɨ̃risia bɨ jĩra. Teaemaa bɨdepa teaiwẽa bɨma, mãɨyawẽpɨra teapade a p'anɨ k'orea teaiwẽa bɨma. Chi arapá bɨdepa tea bɨt'a Tachi Ak'õrepa k'ɨ̃ria bɨma.

P'ilipense 2:14

Waapẽarã k'orea k'achia pedeadawẽa mãɨnepa k'ĩruu pedeadawẽa jõma oot'ɨ.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

Tito 1:8

Mãɨpari ichi tede cheutarã́ ãarea pia pedeai bɨma, nejõma nepia oo k'ɨ̃ria bai bɨma, k'ɨ̃risia piadepa bai bɨma, jĩp'a bai bɨma, Tachi Ak'õre pae bai bɨma, mãɨnepa ichia ichi k'ak'ua jĩp'a uru bai bɨma.

P'ilemón 1:14

Maamina pɨa pia bɨade aiwẽ pada pẽra, mɨa oo k'ɨ̃riaé pasima. Mɨa chichupuria idi bɨma pɨá jok'ae oopade awẽt'a, mãɨpari k'ɨ̃ria bɨma pɨchiapuru mãɨya oo k'ɨ̃ria bait'a.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Hebreo 13:2

K'ɨ̃risia atuarãt'ɨ chi mãra tiidá cheuta mãɨa pia pedeadai p'anɨt'a. Chi eda waapẽarãpa k'awadawẽa Tachi Ak'õrepa ɨt'aripa peedaɨrã ãchi tiidá pia chepi p'anasidama.

Santiago 5:9

Ũpẽarã, waapẽarã k'orea k'achia pedearãt'ɨ Jesucristoa mãra ɨtɨapiemaapa. Jesucristo tachi nepɨra ak'ɨparí tãaraawẽa bɨde cheipɨ.