1 Pedro 4:18 - Tachi Ak'õre Pedea

¹⁸ «Chi ẽpẽra jĩp'a bɨt'a k'aripai k'orea chaarea bɨpɨra, ¿chi Tachi Ak'õre itu bɨk'ari nemietá ooparí sãmaasã́ k'aripaima?»

1 Pedro 4:18 ပူးပေါင်းရင်းမြစ်များ

Luca 15:1

Ewariaba Romanepema pae erreara jɨrɨp'epataɨrã mãɨnepa nemietá oopataɨrã chesidama Jesupa jaratea bɨ ũrinai k'orea.

Luca 23:31

Ẽpẽrarãpa mɨ, pak'uru onoa jĩra bɨ peadaipɨra, pak'uru p'õesã́ jĩra be ¿sak'aadaima?

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Hecho 27:24

mɨá jarasima: “Ne wap'earãse, Pablo. Pɨ Romanepema chi atepe poro chaarea bɨ k'ĩrari pedeai bɨma. Pɨ k'orea Tachi Ak'õrepa ãareaɨrã nãɨ p'ãp'orrode wãutat'a itu piupiiwẽma”.

Hecho 27:31

Maamina Pablopa papaká berã chi mãɨrã chaarea bɨa mãɨnepa chi ichidí papaká berã́ jarasima: «Jãɨrã p'ãp'orrode p'aneenaepɨra mãra p'ue k'aripadaiwẽma».

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Romano 5:6

Ara tachit'u tachi nemietaadepema p'ue ãyá wãnawẽa p'anasidaɨde Tachi Ak'õrepa bɨda ewaride Cristo tachi chi k'achia berã k'orea piusima.

Romano 5:8

Maamina Tachi Ak'õrepa tachi minachia k'ɨ̃ria bɨt'a unupisima wapida nemietaade p'anɨne Cristo tachi k'orea piuda pẽra.

1 Corintio 10:12

Mãɨpuru abaɨpa minachia ĩjãa bɨ jĩra k'ɨ̃risia bɨpɨra, ara ichi tuaba jĩrak'aua bai bɨma nemietaade baemaapa.

1 Timoteo 1:9

Nãɨt'a k'awadai p'anɨma: Tachi Ak'õrepa mãɨ Moisepa bɨda teaé pasit'a chi jĩp'a be k'orea, mãɨpari teasima chi Tachi Ak'õrepa jara bɨ jĩra oodak'aɨrã k'orea, chi k'ɨɨrɨwẽa be k'orea, chi Tachi Ak'õre nea be k'orea, chi nemietá oo be k'orea, chi Tachi Ak'õre wap'eadak'á be k'orea, chi nãɨ ĩjũanepemarã jĩra p'anapataɨrã, chi ãchi ak'õre peapataɨrã k'orea, chi nae peapataɨrã k'orea, chi mĩa peapataɨrã k'orea,

Hebreo 4:1

Tachi Ak'õrepa piarã jara bɨma tachi wapida ichia ɨ̃apaapii bɨmá p'ue padai p'anɨt'a. Maamina jĩrak'aua p'anat'ɨ. Mãɨyawẽpɨra abaɨ mãranepema mãma p'ue paiwẽma.

Santiago 5:6

Mãrapa ẽpẽra jĩp'a bɨt'a nepɨra pará bɨade adak'ari, peasidama. Mãɨne ichia mi ãpia pida ooé pasima peapidaemaapa.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.