1 Pedro 4:17 - Tachi Ak'õre Pedea

¹⁷ Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

1 Pedro 4:17 ပူးပေါင်းရင်းမြစ်များ

1 Pedro 2:8

Mãɨnepa nãɨya bɨ bɨma: «Mãɨ mawaramá ẽpẽrarã t'enabaridak'ari baedaipɨ». Ãchia Tachi Ak'õre pedea ĩjãanawẽa p'anɨ pẽra mawaramá t'enabariuta jĩra p'anɨma. Tachi Ak'õrepa ãchi bɨsima mãɨya p'ananamẽrá.

Romano 2:9

Ichia ɨtɨarude jõma nemietá oo berã minachia mĩa p'ananaipɨ mãɨnepa sõp'ua p'ananaipɨ. Naa judiorã mãɨnepa judiorãwẽ sida mãɨya p'ananaipɨ.

Luca 23:31

Ẽpẽrarãpa mɨ, pak'uru onoa jĩra bɨ peadaipɨra, pak'uru p'õesã́ jĩra be ¿sak'aadaima?

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

Hebreo 2:2

Chi Tachi Ak'õrepa naena jara bɨeda pedea ichia ɨt'aripa peedaɨrãnepa teasima. Mãɨ pedea ẽpẽrarãpa ãarea oodai p'anasidama. Chi ãarea oowẽa be mãɨnepa chi mãɨ pedea ũriwẽa be Tachi Ak'õrepa arí ɨtɨapachima.

Gálata 5:7

Mãrapa piarã chi pedea pia ĩjãa p'anasidama. ¿K'aipa mãra oosima mãɨ pedea itu bɨdamẽrá?

Hebreo 11:8

Tachi Ak'õrepa Abrahaná jarasima ichia teai jaradamá wãmẽrá. Abrahanpa Tachi Ak'õrene ĩjãana pẽra, sãmá wãit'a atua bɨmina ichi tua ameek'ari wãsima.

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.