1 Pedro 3:8 - Tachi Ak'õre Pedea

⁸ Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

1 Pedro 3:8 ပူးပေါင်းရင်းမြစ်များ

Mateo 18:33

Mãɨ ¿k'ãre k'orea pɨchidí ome k'ĩra chupuriaé pasima?”

Luca 10:33

Mãɨ ɨ̃ari ẽpẽra Samariadepema mãɨ ode chesima. Chi ẽpẽra bari bɨ unuside sõchupuriasima.

Hecho 2:1

Mãɨya nak'ari Pentecosté ewari paside, chi Jesude ĩjãapataɨrã ãarea ará tuanasidama.

Hecho 27:3

Norema Sidón p'uurude pasidama. Mãɨne Juliopa sõpiadepa Pablo ichi ũpẽarã jĩra p'anɨmá itu wãpisima ichi ne newẽa bɨt'a mãɨ teadamẽrá.

Hecho 28:7

Mãɨ ĩjũa p'ɨrra bɨde chi poro chaarea bɨ Publio apachidama. Mãɨ Publiopa tai p'anɨ k'ait'a ĩjũat'a uru basima. Ichia tai ichi tede ewari k'ak'o ũpea sõpia k'ãipisima.

Hecho 4:32

Mãɨ ewaride chi Jesude ĩjãapataɨrã k'ɨ̃risia abarik'a mãɨnepa sõ abarik'a p'anapachidama. Abaɨ pida ara ichi neet'á ichidí jĩra k'ɨ̃risiak'a pasima, mãɨpari abaɨ ome ne jedapachima.

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

Romano 15:5

Mɨa k'ɨ̃ria bɨma ara mãɨ tachi sõpiapiparí mãɨnepa choapiparí Tachi Ak'õrepa mãra k'aripa bait'a, abarik'a k'ɨ̃risiadamẽrá Jesucristopa k'ɨ̃ria bɨ jĩra.

1 Corintio 1:10

Ũpẽarã, Tachi Chipari Jesucristodepa mɨa mãrá chichupuria idiruma ará pia tuananamẽrá. K'ɨ̃risia k'ak'awá tuananaiwẽa p'anɨma, mãɨpari k'ɨ̃risia abaɨde ará pia tuananai p'anɨma.

1 Corintio 12:26

Tachi k'ak'uadepema aba p'uaipɨra, ãarea p'uaparima. Ara mãɨ jĩra tachi k'ak'uadepema aba bɨ k'orea pia jaradaipɨra, ãarea arapá p'anapatama.

Ep'esio 4:2

Mãra chi atepe be k'ɨ̃risiarãt'ɨ, mãɨpari k'ɨ̃risia piadepa p'anat'ɨ. Ara machi paara k'ɨ̃rianepa choa p'anat'ɨ.

Ep'esio 4:31

Jõma chi mãrapa abaɨ k'orea sõne piawẽa k'ɨ̃risiapataɨ, sõnepa k'ĩruupataɨ, k'ĩruu pedeapataɨ, ɨbɨa k'ĩruu pedeapataɨ, waapẽarã k'orea k'achia pedeapataɨ, mãɨnepa ãarea waapẽarã piawẽa oodai k'ɨ̃risiapataɨ itu bɨt'ɨ.

Ep'esio 4:32

Sõpia p'anat'ɨ. K'ĩra chupuria p'anat'ɨ. Chi mãrapa piawẽa oodada k'ɨ̃risia atuat'ɨ, Tachi Ak'õrepa mãra nemietá Cristodepa k'ɨ̃risia atuada jĩra.

P'ilipense 2:3

Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

P'ilipense 3:16

Maamina tachia k'awadada jõma oodai p'anɨma.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

Hebreo 13:1

Mãra ũpẽarã pẽra ara chi k'ɨ̃ria p'anat'ɨ.

Santiago 2:13

Chi waapẽarã k'ĩra chupuriak'aɨ Tachi Ak'õrepa nepɨra ak'ɨrude k'ĩra chupuriaiwẽma. Mãɨne chi waapẽarã k'ĩra chupuriapataɨ pia p'ananaipɨ.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.

Santiago 5:11

Tachimá, chi minachia mĩa p'anɨne choa berã minachia pia p'anɨma. Mãrapa ũripatama Job ichi tãaraa minachia mĩana jõma choasit'a. Mãɨ ãarea tãaraa nepɨrade bak'ari k'awa p'anɨma Tachi Chiparipa ichi pia bɨsit'a. Ichia k'ĩra chupuria bɨma mãɨnepa k'ɨ̃rianepa k'aripai bɨma.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 2:17

Jõmãɨrã wap'eat'ɨ. Ũpẽarã minachia k'ɨ̃riat'ɨ. Tachi Ak'õre wap'eat'ɨ. Nãɨ ĩjũanepema chi minachia k'awa bɨ wap'eat'ɨ.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».

2 Pedro 1:7

Tachi Ak'õrepa k'ɨ̃ria bɨ jĩra p'anɨne ũpẽarã k'ɨ̃rianai k'orea jɨrɨt'ɨ; ũpẽarã k'ɨ̃ria p'anɨne jõmãɨrã k'ɨ̃rianai k'orea jɨrɨt'ɨ.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.