1 Pedro 3:16 - Tachi Ak'õre Pedea

¹⁶ Ara machi tuaba k'awa p'anat'ɨ nemietá oodawẽa p'anɨt'a. Mãɨya mãra Cristodepa pia nipada k'orea chi piawẽa pedeapataɨrã p'eradaipɨ.

1 Pedro 3:16 ပူးပေါင်းရင်းမြစ်များ

Mateo 5:11

Mɨ k'orea k'achia pedeadaipɨra, mĩapii p'anɨpɨra mãɨnepa wawaria seadepa k'achia pedeadaipɨra, mãra pia p'anɨma.

Hecho 24:16

Mãɨpuru mɨa ne ãarea ooparima Tachi Ak'õre k'ĩrari mãɨnepa ẽpẽerã k'ĩrari jĩp'a nipai k'orea.

Hecho 28:22

Maamina taipa k'awa p'anɨma ãarea tuacha jãɨ k'ɨ̃risia chiwidi k'orea piawẽa pedea p'anɨt'a. Mãɨpuru ũri k'ɨ̃ria p'anɨma pɨa sãmaasã́ k'ɨ̃risia bɨt'a.

Romano 9:1

Mɨ Cristode pẽra piarã pedea jararuma. Sea jarawẽma. Tachi Ak'õre Jaorepa mɨ sõne nãɨ pedea piarã ara k'awapi bɨma.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

1 Timoteo 1:5

Mɨa mãɨya jara bɨma ũpẽarãpa k'ɨ̃risia piadepa, sõpiadepa, piarã Tachi Ak'õrene ĩjãa p'anɨnepa chi k'ɨ̃ria tuananamẽrá.

2 Timoteo 1:3

Ãst'á mãɨnepa teamasi mɨa Tachi Ak'õrea ɨt'aa chiidirude pɨ k'orea sõpia bɨade aparima. Tachi Ak'õrepa jara bɨt'a mɨa ooparima, mɨ chõarãenapemarãpa oodada jĩra. Mãɨ mɨ k'ɨ̃risiade mietá bɨwẽanepa ooparima.

Tito 2:8

Piarã pedea jaratea base mi ãpia pida pɨ k'orea k'achia pedeapidaemaapa. Mãɨya jaratea baipɨra, pɨchi nek'ĩramaarã k'ĩranejasiadaipɨ. Ãchia mi ãpia pida tachi k'orea p'ue k'achia pedeadaiwẽma.

Hebreo 13:18

Tai k'orea Tachi Ak'õrea ɨt'aa chiidit'ɨ. Tai ne ãareaɨne jĩp'a nipadai k'ɨ̃ria p'anɨma mãɨnepa k'awa p'anɨma nemietá oodawẽa p'anɨt'a.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

1 Pedro 2:15

Tachi Ak'õrepa k'ɨ̃ria bɨma mãrapa pia oo p'ananait'a. Mãɨya mãrapa chi pia k'ɨ̃risiawẽa berã k'ĩup'eapidaipɨ, atua p'anɨnepa mãra k'orea k'achia pedeapataɨ pẽra.

1 Pedro 2:19

Edaɨde nepia oo bɨ k'orea tachi minachia mĩapatama. Maamina Tachi Ak'õrepa tachi mĩa p'anɨt'a k'awa bɨma. Tachia mãɨne k'ɨ̃risiadak'ari, mãɨ jõma choadaipɨra, Ichia pia unuipɨ.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

1 Pedro 4:4

Naapae mãrapa waa chi Tachi Ak'õrene ĩjãanak'apɨɨrã ome nemietá oodak'a pẽra, ãchia k'awa k'ɨ̃risiadak'ama. Mãɨ k'orea mãra k'orea piawẽa pedeapatama.