1 Pedro 3:11 - Tachi Ak'õre Pedea

¹¹ Ichia nejõma nemietá itu bɨk'ari pia oo bai bɨma. Waapẽarã ome ne k'ɨ̃risiawẽa bai k'orea jɨrɨk'ari mãɨya bai bɨma.

1 Pedro 3:11 ပူးပေါင်းရင်းမြစ်များ

Mateo 5:45

Mãɨya baipɨ mãra Ak'õre pajãne bɨ warrarãpɨ. Tachi Ak'õrepa ɨmata ochiapiparima ẽpẽra sõpia berã ɨ̃rɨ, k'achia berã ɨ̃rɨ pida. Ẽpẽra jĩp'a be k'orea chi jĩp'a bewẽa k'orea pida k'oe chepiparima.

Mateo 5:9

Pia p'anɨma chi mãɨ ẽpẽrapa nepɨra tachi ũpẽa ome uru p'anɨ mãɨ k'aripa p'anɨrã, Tachi Ak'õre warrarãane adai pẽra.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Marco 14:7

Chichupuria k'ede ewaricha mãra t'ãena p'ananaipɨ; mãrapa k'ɨ̃ria p'anɨpɨra p'ue ãchi k'aripadai p'anɨma. Maamina mɨ mãra ome ewaricha baiwẽma.

Luca 1:79

Mãɨpa chi p'ãrione berã́, mãɨnepa chi piudai wap'ea berã́ Tachi Ak'õrepa ichi ɨnaa k'awapiipɨ. Ichiaba tachiá k'awapiipɨ sãmaasã́ ichi ode ne k'ɨ̃risiawẽa nipadai k'orea».

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Luca 6:9

Maapae Jesupa ãchiá jarasima: —Mɨa mãrá idiruma: mimianak'apɨ́ ewaride ¿k'ãre oodai p'anɨma? ¿Pia wa k'achia? ¿Abaɨ k'aripai wa itu piupii?

Juan 17:15

Mɨa pɨá idi bɨwẽma ãchi nãɨ ĩjũanepema ãyá ateewãmẽrá, mãɨpari ɨt'aa chiidi bɨma nemietaadepema ak'ɨ bamẽrá.

Romano 12:18

Mãrapa jɨrɨt'ɨ jõmãɨrã ome ne k'ɨ̃risiawẽa p'ananai k'orea.

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

Romano 14:19

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

Romano 5:1

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma.

Romano 7:19

Piarã mɨa pia oo k'ɨ̃ria bɨt'a ook'ama, mãɨpari nemietá oo k'ɨ̃riawẽa bɨt'a ooparima.

Romano 7:21

Mãɨpuru nãɨ k'awa bɨma: mɨa nepia oo k'ɨ̃ria bɨmina nemietá mɨ sõne bɨpa nemietá oopiparima.

Romano 8:6

Chi abaɨpa nãɨ k'ak'uapa oo k'ɨ̃ria bɨt'a k'ɨ̃risia baipɨra piuipɨ. Maamina chi Tachi Ak'õre Jaorepa k'ɨ̃ria bɨt'a k'ɨ̃risia baipɨra ne k'ɨ̃risiawẽa baipɨ mãɨnepa Tachi Ak'õre ome chok'ae baipɨ.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

Colosense 3:15

Tachi Ak'õrepa mãra t'ɨ̃sima k'ak'ua aba bɨ jĩra p'ananamẽrá. Cristopa nek'ĩramariwẽa p'anapi bɨma, mãra sõne. Mãɨpa k'awapiipɨ k'ãre oodai p'anɨ. Mãɨya p'anat'ɨ. Mãɨnepa Tachi Ak'õrea sõpia p'anɨane at'ɨ.

1 Timoteo 6:18

Chi ne pará berã́ jarase jõmãɨrã ome nepia oodamẽrá. Mãɨnepa jarase ãchia uru p'anɨnepema sõpiadepa waapẽarã́ teadai k'orea p'ananai p'anɨ.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Santiago 4:17

Chi pia oo k'awa bɨpa mãɨya oowẽpɨra, nemietá oo bɨma.

1 Pedro 3:12

Tachi Chiparipa ẽpẽra jĩp'a be ak'ɨ bɨma. Ãchia ɨt'aa chiidiuta pia ũri bɨma. Maamina ichimá, chi nemietá oopataɨrã pia p'anɨwẽma».

3 Juan 1:11

Ũpẽa Gayo, nemietá oopataɨrã jĩra barãse mãɨpari pia oopataɨrã jĩra base. Chi pia ooparí Tachi Ak'õrenepɨ, maamina chi nemietá ooparipa Tachi Ak'õre atua bɨma.