1 Pedro 2:7 - Tachi Ak'õre Pedea

⁷ Mãra chi Cristode ĩjãapataɨrãmá, ichi minachia pia bɨma. Maamina chi ichi ĩjãanak'apɨɨrã k'orea Tachi Ak'õre pedeade nãɨya bɨ bɨma: «Chi te oopataɨrãpa mawara amaanana pada, mãɨ mawara chi atepe piipará beesima».

1 Pedro 2:7 ပူးပေါင်းရင်းမြစ်များ

Mateo 21:42

Mãɨne Jesupa ãchiá jarasima: —Ara mãɨya Tachi Ak'õrepa mãra k'aepẽra ẽpẽrarã awaraɨrãt'u ichi juade ua baipɨ. Mãɨrãpuru ichia k'ɨ̃ria bɨ oodaipɨ. Mãrapa ¿Tachi Ak'õre pedea eda jaradawẽk'ãra? Nãɨya jara bɨma: “Chi te oopataɨrãpa mawara amaanana pada, mãɨ mawara chi atepe piipará beesima. Nãɨ Tachi Chiparipa mãɨya ooda pẽra tachimá minachia pia beesima”.

Luca 2:32

Ichi ɨnaa jĩra baipɨ judiorãwẽpa pɨ k'orea k'awadamẽrá. Ichi k'orea, pɨ p'uuru Israel k'orea pia jaradaipɨ».

Luca 2:34

Mãɨne Simeónpa ãchiá pia jarak'ari Mariá nãɨya jarasima: —Tachi Ak'õrepa nãɨ warra teasima israeldepemarã chok'araɨrã pia bɨmẽrá mãɨnepa ichiaba chok'araɨrã piawẽa bɨyá. K'awapiipɨ ichi Tachi Ak'õrenepa che bɨt'a, maamina ichi k'orea k'achia pedeadaipɨ.

Luca 20:17

Maamina Jesupa ãchimá ak'ɨk'ari jarasima: —Mãɨya bɨpɨra ¿k'ãre k'orea Tachi Ak'õre pedeade nãɨya bɨ bɨma? “Chi te oopataɨrãpa mawara amaanana pada, mãɨ mawara chi atepe piipará beesima”.

Juan 4:42

Ãchia wẽrá jarasidama: —Taipa abapuru pɨa jarada k'orea ĩjãa p'anɨwẽma, mãɨpari ĩjãa p'anɨma ichia jaratea bɨ ũrinana pẽra. Taipa k'awasidama ichi piarã nãɨ ĩjũanepemarã k'aripaparit'a.

Hecho 26:19

»Poro jũra jɨ̃parí jɨ̃ bɨ Agripa, Jesupa mãɨ ewaride mɨá jaradat'a mɨa ãarea oosima.

Romano 10:21

Maamina israel ĩjũanepemarã k'orea Isaíapa nãɨya jarasima: «Ewaricha mɨ jua ɨapachima ẽpẽrarã k'ɨɨrɨwẽa be mãɨnepa mɨne ĩjãawẽa be mɨmá chedamẽrá».

Romano 15:31

Ichiá ɨt'aa chiidit'ɨ Judea tuadepema Jesude ĩjãanak'apɨɨrãpa mɨ piawẽa oopidaemaapa. Mãɨnepa ɨt'aa chiidit'ɨ mɨa erreara ẽpẽrarã Tachi Ak'õrenepemarã Jerusalenepemarã pae ateerut'a pia jitadamẽrá.

2 Corintio 2:16

Chi atuadai p'anɨrãmá, mãɨ k'era ẽpẽra piuda mik'ia jĩra bɨma, Jesude ĩjãanawẽa p'anɨnepa piudai pẽra. Maamina chi k'aripai p'anɨrãmá, mãɨ k'era minachia p'iumá bɨma, ewaricha chok'ae p'ananai pẽra. Mãɨya, ¿k'aipa ara ichi jua chaareadepa Tachi Ak'õre pedea p'ue jarateaima?

Colosense 2:10

Mãra Cristo ẽpẽrarã pẽra ichidepa nejõma uru p'anɨma Tachi Ak'õre ome pia p'ananai k'orea. Ichi chi chaarea berã chi Poro Chaareapɨ.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Hebreo 11:31

Israel ĩjũanepemarã ume p'anɨpa Jericó p'uuru sãmaasã́ bɨ k'awadai k'orea ak'ɨde wãsidaɨde, wẽra k'achia bɨ Rahapa Tachi Ak'õrene ĩjãa bada pẽra ãchiá pia pedeasima. Mãɨ k'orea israel ĩjũanepemarãpa chi Tachi Ak'õrene ĩjãanak'apɨɨrã ãarea k'enasidaɨde ichi peadaé pasima.

Hebreo 4:11

Mãɨpuru tachia pia jɨrɨdai p'anɨma Tachi Ak'õrepa ɨ̃apaapii bɨmá padai k'orea. Mãɨyara mi ãpia pida baedaiwẽma chõarãenapemarã ĩjãanawẽa p'anɨnepa baedada jĩra.

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

1 Pedro 2:4

Tachi Chipari Jesucristomá chet'ɨ. Ichi chok'ae bɨma mãɨnepa mawara te oopataɨ jĩra bɨma. Ẽpẽrarãpa ichi itu bɨsidama, maamina Tachi Ak'õrepa mãɨ mawara pia, neepɨa k'ɨrɨt'a jɨrɨ atasima.

1 Pedro 2:8

Mãɨnepa nãɨya bɨ bɨma: «Mãɨ mawaramá ẽpẽrarã t'enabaridak'ari baedaipɨ». Ãchia Tachi Ak'õre pedea ĩjãanawẽa p'anɨ pẽra mawaramá t'enabariuta jĩra p'anɨma. Tachi Ak'õrepa ãchi bɨsima mãɨya p'ananamẽrá.