1 Pedro 2:5 - Tachi Ak'õre Pedea

⁵ Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Pedro 2:5 ပူးပေါင်းရင်းမြစ်များ

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

1 Corintio 3:9

Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

P'ilipense 2:17

Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

1 Pedro 4:17

Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

Apocalipsi 1:6

Tachi bɨsima Tachi Ak'õre juade p'aarerã p'ananamẽrá. Mãɨya ichi Pajãnepema Ak'õrepa k'ɨ̃ria bɨt'a oo p'ananaipɨ. Mãɨa pia pedeadai p'anɨma. Pia bɨma ichit'a ewaricha jõmãɨrã Chipari bait'a. Mãɨya beese.

Apocalipsi 20:6

Chi Tachi Ak'õrepa naa chok'ae p'irabaripii ẽpẽerã minachia pia p'ananaipɨ. Waa piudaiwẽma, mãɨpari Tachi Ak'õre p'aarerã mãɨnepa Cristo p'aarerã p'ananaipɨ. Mãɨnepa mil ãyo Cristo ome chi poro jũra jɨ̃parí jɨ̃ p'anɨrã p'ananaipɨ.

Apocalipsi 3:12

Nemietá p'uedaadá mɨa Tachi Ak'õre te jĩru jĩra bɨipɨ. Mãɨya mãɨ tedepema ãyá ewariaba pida wãnaiwẽma. Ãchi tau bɨɨrɨde mɨ Ak'õre t'ɨ̃ bɨipɨ ichidirã k'awapiyá. Ichiaba ãchi tau bɨɨrɨde mɨ Ak'õre p'uuru t'ɨ̃ bɨipɨ mãmanepemarã k'awapiyá. Mãɨ Jerusalén P'uuru chiwidi apataɨ pajãnepa mɨ Ak'õre bɨmãɨpa cheipɨ. Mãɨnepa ãchi tau bɨɨrɨde mɨ t'ɨ̃ chiwidi bɨipɨ mõré k'awapiyá.

Apocalipsi 5:10

Pɨa ãchi bɨsima p'aarerã Tachi Ak'õrené p'ananamẽrá. Mãɨnepa nãɨ ĩjũane ichi ome poro jũra jɨ̃parí jɨ̃ p'anɨrã p'ananaipɨ».