1 Pedro 2:4 - Tachi Ak'õre Pedea

⁴ Tachi Chipari Jesucristomá chet'ɨ. Ichi chok'ae bɨma mãɨnepa mawara te oopataɨ jĩra bɨma. Ẽpẽrarãpa ichi itu bɨsidama, maamina Tachi Ak'õrepa mãɨ mawara pia, neepɨa k'ɨrɨt'a jɨrɨ atasima.

1 Pedro 2:4 ပူးပေါင်းရင်းမြစ်များ

Mateo 11:28

»Ãarea sẽ p'anɨpɨra, mɨmá chet'ɨ. Mɨa mãra ɨ̃apaapiipɨ.

Mateo 12:18

Nãɨya jarasima: Nãɨ mɨa jɨrɨ atada chi mɨ pae pari mimiaparipɨ. Mɨa ichi k'ɨ̃ria bɨma. Ichi k'orea mɨ piarã sõpia bɨma. Mɨ Jaore ichiá teaipɨ. Ichia p'uuru becha mɨa jĩp'a ook'oa bɨ k'orea jaraipɨ.

Mateo 21:42

Mãɨne Jesupa ãchiá jarasima: —Ara mãɨya Tachi Ak'õrepa mãra k'aepẽra ẽpẽrarã awaraɨrãt'u ichi juade ua baipɨ. Mãɨrãpuru ichia k'ɨ̃ria bɨ oodaipɨ. Mãrapa ¿Tachi Ak'õre pedea eda jaradawẽk'ãra? Nãɨya jara bɨma: “Chi te oopataɨrãpa mawara amaanana pada, mãɨ mawara chi atepe piipará beesima. Nãɨ Tachi Chiparipa mãɨya ooda pẽra tachimá minachia pia beesima”.

Juan 14:19

Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 5:26

Mɨ Ak'õrepa chok'ae bapipari jĩra, mɨa ara mãɨya chok'ae bapiparima ichia mãɨya bɨda pẽra.

Juan 5:40

Maamina mãra mɨmá chedai k'ɨ̃rianak'ama, mɨa mãra chok'ae p'anapimẽrá.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Juan 6:57

Mɨ Ak'õre chok'ae baparipa mɨ peesima. Ya mɨ ichidepa chok'ae bɨma. Ara mãɨ jĩra chi mɨ k'ak'ua k'o bɨpa mɨnepa chok'ae baipɨ.

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

1 Corintio 3:11

Jesucristo chi te tĩitaupẽra waa p'ue awara bɨdaiwẽa bɨma.

Colosense 3:4

Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.

1 Pedro 1:7

mãɨ choa p'anɨnepa unupidaipɨ Jesucristode piarã ĩjãa p'anɨt'a. Mãrapa ĩjãa p'anɨt'a nee jĩra bɨma. Nee t'ɨpɨ taude tort'iiparima mãɨ wariara piipará beemẽrá. Ara mãɨ jĩra mãra minachia mĩautade, choa p'anɨnepa unupii p'anɨma Jesucristode piarã ĩjãa p'anɨt'a. Mãɨ nee k'aepẽra piipará bɨma, nee jõpari pẽra. Mãrapa Jesucristode piarã ĩjãa p'anɨt'a unupi p'anɨ pẽra, ichi unuutade Tachi Ak'õrepa mãra pia unuipɨ, mãra k'orea pia jaraipɨ mãɨnepa chi atepe k'awa p'anɨrã bɨipɨ.

1 Pedro 2:7

Mãra chi Cristode ĩjãapataɨrãmá, ichi minachia pia bɨma. Maamina chi ichi ĩjãanak'apɨɨrã k'orea Tachi Ak'õre pedeade nãɨya bɨ bɨma: «Chi te oopataɨrãpa mawara amaanana pada, mãɨ mawara chi atepe piipará beesima».

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.