1 Pedro 2:20 - Tachi Ak'õre Pedea

²⁰ Mãrapa nemietá oo p'anɨ k'orea chi chiparipa mãra ɨtɨaipɨra, mãrapa choautamina ¿k'aipa mãra k'orea pia pedeaima? Maamina pia oo p'anɨ k'orea nepɨrade p'anɨne choadaipɨra, Tachi Ak'õrepa pia unuipɨ.

1 Pedro 2:20 ပူးပေါင်းရင်းမြစ်များ

Mateo 26:67

Maapae chi eda waapẽarãpa Jesú k'ĩtarramá taba idusidama mãɨnepa sĩsidama. Waapẽarãpa ichi jok'aedak'ari,

Mateo 5:47

Mãɨ awara mãrapa waapẽarã́ pia pedeasidara, ¿nepia oo p'anɨk'ãra? Chi Tachi Ak'õrene ĩjãanak'apɨɨrã pida mãɨya oopatama.

Marco 14:65

Maapae chi eda waapẽarãpa Jesú taba idusidama; mãɨnepa ichi k'ĩra p'ãjɨ̃nak'ari, sĩpachidama. Mãɨya nak'ari, jarapachidama: —¡Tachi Ak'õrenepa jarase k'aipa pɨ sĩsit'a! Mãɨya p'anɨne Tachi Ak'õre te minachia bɨdepema ot'eapataɨrãpa Jesú jitadak'ari sĩpachidama.

Luca 6:32

»Abapuru mãra k'õp'ãerorãt'a k'ɨ̃ria p'ananaipɨra, ¿k'aipa mãra k'orea pia pedeaima? K'achia oopataɨrã pida ãchi k'õp'ãerorã k'ɨ̃riapatama.

1 Corintio 4:11

Wapida ara nãɨ ewaride taipa jarra choa p'anɨma, opisia choa p'anɨma, mãɨnepa neet'á sore k'edet'a uru p'anɨma. Tai te nea p'anɨma mãɨnepa ẽpẽrarãpa tai piawẽa oopatama.

Gálata 4:18

Piarã pia bɨma ewaricha k'ɨ̃risia pia sõnepa ĩjãa p'ananait'a. Maamina mãɨya p'ananaiwẽa p'anɨma mɨ aba mãra ome bɨdeepuru. Mãɨpari mɨ newẽne pida mãɨya ĩjãanai p'anɨma.

Ep'esio 5:10

Tachi Chiparipa pia unu bɨt'a k'awadai k'orea jɨrɨt'ɨ.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

1 Pedro 2:19

Edaɨde nepia oo bɨ k'orea tachi minachia mĩapatama. Maamina Tachi Ak'õrepa tachi mĩa p'anɨt'a k'awa bɨma. Tachia mãɨne k'ɨ̃risiadak'ari, mãɨ jõma choadaipɨra, Ichia pia unuipɨ.

1 Pedro 3:14

Maamina mãrapa pia oo p'anɨ k'orea minachia mĩanaipɨra, Tachi Ak'õre k'ĩrari minachia pia p'aneenaipɨ. Mãɨpuru chi mãra piawẽa oouta wap'earãt'ɨ. Minachia k'ɨ̃risiarãt'ɨ.

1 Pedro 3:17

Tachi Ak'õrepa mãra nepɨrade baepiipɨra, pia bɨma pia oo p'anɨ k'orea minachia mĩanai, mãɨ piawẽa oo p'anɨ k'orea minachia mĩanai k'aepẽra.