1 Pedro 2:1 - Tachi Ak'õre Pedea

¹ Mãɨpuru waapẽarã piawẽa oodai itu bɨt'ɨ. Waapẽarã searãt'ɨ. Waapẽarãpa ara ãchia jarapataɨ jĩra oodak'ama. Mãɨ ẽpẽrarã jĩra p'anarãt'ɨ. Abaɨpa uru bɨ k'orea piawẽa k'ɨ̃risiarãt'ɨ. Waapẽarã k'orea k'achia pedearãt'ɨ.

1 Pedro 2:1 ပူးပေါင်းရင်းမြစ်များ

Mateo 15:7

¡Mãra ẽpẽerã pia jĩra berã! Tachi Ak'õre pari pedeaparí Isaíapa mãra k'orea piarã bɨsima. Nãɨya jarasima:

Mateo 23:28

Ara mãɨ jĩra mãra ẽpẽra ɨ̃rɨpema jĩp'a berã jĩra p'anɨma, maamina piarã mãrapa jarateapataɨ oodak'ama. Ichiaba edaria mãra ãarea sõk'achia p'anɨma.

Mateo 24:51

Maapae chi chiparipa minachia ɨtɨak'ari chi pia jĩra berã ome eda jɨ̃a nɨbɨpiipɨ. Mãma ãareaɨrã jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 7:5

¡Mãrapa jarapataɨ jĩra oodak'ama! Nãɨrã pak'uru waibɨa machi taujãne bɨ aubarit'ɨ. Mãɨya p'ue ununaipɨ nejarra waapẽarã taujãne bɨ aubaridai k'orea. Ara mãɨ jĩra pɨa nemietá oo bɨ itu bɨse. Mãɨyapuru waapẽarã p'ue k'aripaipɨ.

Marco 12:15

Maamina Jesupa ãchi ẽpẽerã pia jĩra berãt'a k'awaside, nãɨya jarasima: —Mãrapa ¿k'ãre k'orea mɨ piawẽa pedeapii k'ɨ̃ria p'anɨma? Erreara tau enemeet'ɨ mɨa ak'ɨi k'orea.

Luca 11:44

»¡Chupuri p'anɨma Tachi Ak'õrepa mãra ɨtɨai pẽra! Mãra jãɨrã te jĩra p'anɨma. Chi ẽpẽra piuda t'ɨbarida ɨ̃rɨ wã p'anɨpa atua p'anɨma piuda ɨ̃rɨ t'ɨa p'anɨt'a te chae newẽneepuru. Ara mãɨ jĩra mãrapa oopataɨ ẽpẽrarãpa oopatama maamina ãchia atua p'anɨma mãɨya nemietá oo p'anɨt'a.

Luca 12:1

Mãɨya p'anɨne ẽpẽrarã chok'ará tausia cheepɨrɨsidama. Minachia p'isua nɨbɨ pẽra waapẽarã para chi t'ɨ̃sia wã para basima. Mãɨne Jesupa naa ichi ome p'ɨrrɨapataɨrã́ nãɨya jarasima: «Jĩrak'aua p'anat'ɨ chi p'ariseorãné p'ana ooropiparí ome. Ãchi chi pia jĩra berãpɨ.

Luca 6:42

Pak'uru waibɨa machi taujãne bɨ ununawẽa p'anɨpɨra ¿sãmaasã́ waapẽarã́ nãɨya jaradaima: “Nejarra pɨ taujãne bɨ mɨa aubariipɨ”? ¡Mãrapa jarapataɨ jĩra oodak'ama! Nãɨrã pak'uru waibɨa machi taujãne bɨ aubarit'ɨ. Mãɨya p'ue ununaipɨ nejarra waapẽarã taujãne bɨ aubaridai k'orea. Ara mãɨ jĩra pɨa nemietá oo bɨ itu bɨse. Mãɨyapuru waapẽarã p'ue k'aripaipɨ.

Juan 1:47

Jesupa Natanael ichimá orrobari cheru unuside nãɨya jarasima: —¡Ak'ɨt'ɨ! Nãɨt'a chi piarãpẽa ẽpẽra Israeldepemapɨ. Ichia tachi seak'ama.

Romano 1:29

Nejõma k'achia oopatama. K'ĩra p'erai bɨ oopatama, ne minachia uru p'ananai k'ɨ̃riapatama, waapẽarã piawẽa oopatama, waapẽarãpa uru bɨ k'orea piawẽa k'ɨ̃risiapatama, mĩa peapatama, k'ĩruu pedeapatama, waapẽarã seapatama, waapẽarã k'orea k'achia k'ɨ̃risiapatama mãɨnepa waapẽarã k'orea seajarapatama.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

1 Corintio 5:8

Naapae p'ana ooropiparí newẽa bɨ k'opata jĩra, k'ɨ̃risia piadepa mãɨnepa piarãpẽanepa nipadai p'anɨma. P'ana ooropiparí chi chota bɨdepa waa nipadaiwẽa p'anɨma. Waapẽarã unuemaa bɨdepa mãɨnepa piawẽa oo bɨdepa waa nipadaiwẽa p'anɨma.

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.

Ep'esio 4:31

Jõma chi mãrapa abaɨ k'orea sõne piawẽa k'ɨ̃risiapataɨ, sõnepa k'ĩruupataɨ, k'ĩruu pedeapataɨ, ɨbɨa k'ĩruu pedeapataɨ, waapẽarã k'orea k'achia pedeapataɨ, mãɨnepa ãarea waapẽarã piawẽa oodai k'ɨ̃risiapataɨ itu bɨt'ɨ.

1 Tesalonicense 2:3

Taipa mãrá mãɨya k'ɨ̃risiapidaé pasima piarãpẽawẽne jarateadada ĩjãanamẽrá. Mãɨnepa seadawẽa p'anasima mãra seadai k'orea.

1 Timoteo 3:11

Ara mãɨ jĩra wẽrarã jĩp'a nipadai p'anɨma ẽpẽrarãpa wap'eadamẽrá. Waapẽarã k'orea minachia k'achia pedeadaiwẽa p'anɨma. Minachia k'ĩrip'a p'ananaiwẽa p'anɨma mãɨnepa ne ãareaɨne oodai p'ananai p'anɨma ãchia jaradada jĩra.

Tito 2:3

Mãɨnepa chõtãarã́ jaratease Tachi Ak'õre k'ĩrari jĩp'a p'ananamẽrá, waapẽarã k'orea seadepa k'achia pedeadawẽa p'ananamẽrá mãɨnepa piu nipapidaemaapa. Mãɨpari nepia jarateadai p'anɨma.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Santiago 1:21

Mãɨpuru nejõma nemietá mãɨnepa nejõma jĩp'awẽa bɨ itu bɨt'ɨ. Maapae Tachi Ak'õrepa ichi pedea mãra sõne bɨda k'ɨ̃risia piadepa ĩjãat'ɨ. Ara mãɨ pedeapa mãra Tachi Ak'õrepa ɨtɨai pada p'ue k'aripaipɨ.

Santiago 3:14

Maamina awaraɨpa uru bɨ k'orea wa oo bɨ k'orea sõpiawẽa p'aneenaipɨra, mãɨnepa waapẽarã k'aepẽra pia p'ananai k'orea jɨrɨdaipɨra, jararãt'ɨ mãra ne k'awa bet'a. Mãɨya jaradaipɨra, chi piarãpema pedea itu bɨ p'anɨma.

Santiago 4:11

Ũpẽarã, waapẽarã k'orea k'achia pedearãt'ɨ. Abaɨpa ichi ũpẽa k'orea k'achia pedeaipɨra wa nepɨra pará bɨade aipɨra, Moisepa bɨda k'orea k'achia pedea bɨma, mãɨnepa mãɨ Moisepa bɨdat'u nepɨra pará bɨade a k'ɨ̃risia bɨma. Abaɨpa Moisepa bɨda nepɨra pará bɨade a k'ɨ̃risia bɨpɨra, mãɨ bɨdade jara bɨ jĩra oowẽa bɨma. Moisepa bɨdade jara bɨ jĩra ooi k'aepẽra ichit'a waapẽarã chi nepɨra ak'ɨparí beesima.

Santiago 4:5

Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?

Santiago 5:9

Ũpẽarã, waapẽarã k'orea k'achia pedearãt'ɨ Jesucristoa mãra ɨtɨapiemaapa. Jesucristo tachi nepɨra ak'ɨparí tãaraawẽa bɨde cheipɨ.

1 Pedro 2:16

Mãra jɨ̃ uru p'anana jĩra bɨdepema Cristopa k'ẽet'aasi pẽra, mãɨya nipat'ɨ. Maamina mãɨya ãjã́ pari p'anɨ pẽra k'ɨ̃risiarãt'ɨ nemietá oodai k'orea. Mãɨpari Tachi Ak'õre pae pari mimiapataɨrã jĩra p'anat'ɨ.

1 Pedro 2:22

Cristopa nemietá ook'a pasima mãɨnepa sea jarak'a pasima.

1 Pedro 3:10

«Tachi Ak'õre pedeade nãɨya bɨ bɨma: Paritua arapá ba k'ɨ̃ria bɨpɨra, k'achia pedea amaak'ari ichi k'ĩrame ak'ɨi bɨma. Tãaraa pia ba k'ɨ̃ria bɨpɨra, sea amaak'ari ichi it'ae ak'ɨi bɨma.

1 Pedro 4:2

Mãɨ ẽpẽrapa wapida nãɨ ĩjũane bɨde nãɨ k'ak'uapa nemietá oo k'ɨ̃ria bɨt'a oo baiwẽma, mãɨpari Tachi Ak'õrepa k'ɨ̃ria bɨt'a oo baipɨ.

1 Pedro 4:4

Naapae mãrapa waa chi Tachi Ak'õrene ĩjãanak'apɨɨrã ome nemietá oodak'a pẽra, ãchia k'awa k'ɨ̃risiadak'ama. Mãɨ k'orea mãra k'orea piawẽa pedeapatama.

Apocalipsi 14:5

Ãchia mi aba pida sea jaradak'ama. Jaraideepara nemietá aba pida newẽma.