1 Pedro 1:4 - Tachi Ak'õre Pedea

⁴ ichia tachi pae pajãne uru bɨt'a jõma jitadaipɨ. Mãɨ ãrik'ama, jõk'ama, mãɨnepa nemietaawẽma.

1 Pedro 1:4 ပူးပေါင်းရင်းမြစ်များ

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Marco 10:17

Jesú mãmãɨpa wãrune ẽpẽra ichimá p'ira chesima. Mãɨ ẽpẽra Jesú k'ĩrari sĩraporode k'obeek'ari idisima: —Pia Jarateaparí, ¿mɨa k'ãre ooi bɨma Tachi Ak'õre ome ewaricha chok'ae bai k'orea?

Hecho 20:32

»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

1 Corintio 9:25

P'irapataɨrãpa ãchi k'ak'ua pia ak'ɨpatama chaarea p'ananai k'orea. Mãɨya oopatama waapẽarã k'aepẽra pia p'iradak'ari poro jũra jɨ̃parí jitadai k'orea. Mãɨ poro jũra jɨ̃parí isapea pɨɨparima. Maamina tachia nejõma pia oopatama Tachi Ak'õrepa teai jarada pɨɨk'apɨ́ atadai k'orea.

Gálata 3:18

Moisepa bɨda oo p'anɨ k'orea ichia tachi k'aripaipɨra, ichia k'aripayade ada jĩra k'aripawẽma. Maamina Tachi Ak'õrepa Abrahán k'aripayade ada pẽra ichi sõpiadepa k'aripasima.

Ep'esio 1:11

Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

Ep'esio 1:14

Tachi Ak'õre Jaore jitatadada pẽra tachia k'awa p'anɨma jõma Tachi Ak'õrepa teai jarada piarã jitadait'a chi ichidirã ãarea pia bɨi ewaride. Mãɨ k'orea ichi pia bɨ k'orea pia pedeadai p'anɨma.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

Colosense 1:5

Mãra mãɨya p'anɨma, k'awa p'anɨ pẽra Tachi Ak'õrepa mãra pae nepia pajãne yaa uru bɨt'a. Mãɨ mãrapa naena ũrisidama chi piarãpẽa pedea Jesucristo k'orea mãramá cheside. Mãɨ pedea pia

Colosense 3:24

Mãra Tachi Chipari Cristo pae pari mimiapataɨrãpɨ. Mãrapa k'awa p'anɨma ichi pae pia oo p'anɨ pẽra, ichia mãrá chi ne atadai p'anɨt'a teaipɨ.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.

Hebreo 9:15

Mãɨyara, Cristodepa Tachi Ak'õrepa pedea chiwidi ausima. Ẽpẽerã chi naenapema pedea audade p'anapachidaɨde nemietá oopachidama. Maamina Cristo piusima mãɨnepema k'aripai k'orea. Ichiaba, Cristodepa chi ichia t'ɨ̃naɨrãpa ichia ne ãarea pia jõk'apɨ́ teai jaradat'a p'ue jitadaipɨ.

Santiago 1:11

Ɨmata ochiak'ari pisiapa nep'ono k'irú pɨɨpiparima. Maapae chi nep'ono baek'ari chi auk'ará k'ɨrɨt'a jõparima. Ara mãɨ jĩra chi ɨbɨa bɨ ewaricha erreara jɨrɨi k'orea bɨde piuipɨ.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.