1 Pedro 1:2 - Tachi Ak'õre Pedea

² Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

1 Pedro 1:2 ပူးပေါင်းရင်းမြစ်များ

Mateo 24:22

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Marco 13:20

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

Marco 13:22

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima.

Marco 13:27

Mãɨne mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

Hecho 15:18

Tachi Chiparipa mãɨya jara bɨma. Chõarãena mãɨ minachia k'awapi bɨma”.

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Hecho 20:32

»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 1:7

Mɨa nãɨ k'art'a bɨruma ãarea Romanepema ũpẽarã pae. Tachi Ak'õrepa mãra k'ɨ̃ria bɨma mãɨnepa t'ɨ̃sima ichi ẽpẽrarã p'ananamẽrá. Mɨa k'ɨ̃ria bɨma Tachi Pajãnepema Ak'õrepa, Tachi Chipari Jesucristo ome ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

Romano 11:2

Tachi Ak'õrepa naena israel ĩjũanepemarã jɨrɨ atasima ichi p'uuru bamẽrá. Mãɨpuru ãchi itu bɨwẽa bɨma. Mãrapa Tachi Ak'õre pedeade Elía k'orea bɨda k'awa p'anɨma. Eliapa Tachi Ak'õrea israel ĩjũanepemarã k'orea nãɨya piawẽa pedeasima.

Romano 11:28

Judiorãpa chi pedea pia Jesú k'orea itu bɨ p'anɨ pẽra Tachi Ak'õre ome chi nek'ĩramaapɨ. Mãɨpuru mãra judiorãwẽ Tachi Ak'õre ẽpẽrarã p'ue p'ananaipɨ. Maamina Tachi Ak'õrepa ãchi chõarãenapemarã jɨrɨ atada pẽra waidi k'ɨ̃ria bɨma.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 16:19

Jõmãɨrãpa k'awa p'anɨma mãrapa Tachi Ak'õre pedea piarã oo p'anɨt'a. Mãɨ k'orea mɨ arapá bɨma. Piarã mɨa k'ɨ̃ria bɨma mãrapa pia oo k'awadait'a mãɨnepa nemietá oodaiwẽt'a.

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

Romano 8:33

¿K'aipa Tachi Ak'õrea ichia jɨrɨ atadaɨrã k'orea p'ue k'achia pedeaima? Ara Tachi Ak'õrepuru tachi chi ichidirã jĩp'a berã paara bɨparima.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

2 Corintio 10:5

Jõma k'ɨ̃risia piawẽa be mãɨnepa chi tachi k'ak'ua atepe k'ɨ̃riapataɨ Tachi Ak'õre k'orea itu k'awapidak'aɨ, taipa mãɨ seat'a k'awapipatama. Ẽpẽrarãpa ãchi nek'ĩramá eda jɨ̃a nɨbɨuta jĩra taipa chi mãɨya k'ɨ̃risia be jĩp'a k'ɨ̃risiapipatama Cristode ĩjãanamẽrá.

2 Corintio 13:14

Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a, Tachi Ak'õrepa minachia k'ɨ̃ria bait'a mãɨnepa ewaricha Tachi Ak'õre Jaorepa ará pia uru bait'a.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Hebreo 11:28

Moisepa Tachi Ak'õrene ĩjãa bada pẽra israel ĩjũanepemarã Egitodepa wãnana k'ɨ̃risiapataɨ ewari oopisima. Mãɨne techa chi eda wãpataɨ ik'idá oapa p'ɨrɨpik'oasima chi peaparipa ãchi warrarã chi ɨmɨk'ĩra warra naapemarã peapiemaapa.

Hebreo 12:24

Mãra Jesumá chesidama. Ichidepa Tachi Ak'õre ẽpẽerã ome pedea chiwidi auside mãra ichia oa jĩp'odamá chesidama. Jesú oa ãrina Abel oa ãrina k'aepẽra mãɨpa tachiá atepe k'awapi bɨma.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

2 Pedro 1:2

Mãrapa Tachi Ak'õre mãɨnepa Tachi Chipari Jesú k'awa p'anɨ pẽra, mɨa k'ɨ̃ria bɨma ãchi sõpiadepa mãra minachia k'aripa p'ananait'a mãɨnepa minachia ne k'ɨ̃risiawẽa p'anapiit'a.

2 Juan 1:1

Mɨ Chõapɨ. Mɨa nãɨ k'art'a bɨruma wẽra Tachi Ak'õrepa jɨrɨ atada pae mãɨnepa ichi warrarã pae pida. Mɨa mãra piarã k'ɨ̃ria bɨma. Mɨapuru mãra k'ɨ̃ria bɨwẽma, mãɨpari jõma chi piarãpẽa pedea k'awapataɨrãpa mãra k'ɨ̃ria p'anɨma.

2 Juan 1:13

Pɨ ũpẽawẽra warrarã Tachi Ak'õrepa k'aripadapa k'ɨ̃ria p'anɨma mãra pia tuananait'a.

Juda 1:2

Mɨa k'ɨ̃ria bɨma ichia mãra minachia k'ĩra chupuria bait'a, minachia ne k'ɨ̃risiawẽa bapiit'a mãɨnepa mãra minachia k'ɨ̃ria bait'a.