1 Pedro 1:13 - Tachi Ak'õre Pedea

¹³ Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 1:13 ပူးပေါင်းရင်းမြစ်များ

Mateo 20:4

Ãchiá jarasima: “Mãra sida mɨ ne uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”. Ara mãɨne wãsidama.

Luca 12:35

»Te chipari pae pari mimiaparí pia bɨ jĩra p'anat'ɨ, Tachi Ak'õrepa jara bɨt'a ũrinai k'orea. Chi te chipari pae pari mimiaparí pia bɨpa ĩpira k'oa uru baparima ichi chipari cherude pia pedeai k'orea. Miak'ãipataɨ arapá ewari oo p'anɨmãɨpa chek'ari, chi chiparipa t'ɨ̃rune chi ichi pae pari mimiaparí pia bɨpa ara mãɨne tede eda wãpataɨ ewaipɨ.

Luca 17:30

»Mɨ, chi Ẽpẽra Warra cheru ewaride ara mãɨ jĩra mãɨyaipɨ.

Luca 17:8

Mãɨya jaraiwẽma. Mãɨpari jaraipɨ: “Ara nãɨena ne chuuse. Maapae neet'á pia jɨ̃k'ari chik'o mɨmá enemeese. Maapaepuru pɨ nek'oi bɨma”.

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Romano 8:19

Nejõma Tachi Ak'õrepa ook'oada ãarea nɨ p'anɨma ichi warrarã pia p'aneeuta k'orea isapea unupimẽrá,

1 Corintio 1:7

Mãrapa Tachi Chipari Jesucristo ununai k'orea nɨ p'anɨmisa, Tachi Ak'õrepa ichi Jaoredepa tea bɨt'a jõma uru p'anɨma.

1 Corintio 13:13

Nãɨ ũpea p'anɨ jõk'ama: nejõma pia ĩjãa bai, jõma pia pamẽrá nɨ bai mãɨnepa waapẽarã k'ɨ̃ria bai. Mãɨ ũpeadepema waapẽarã k'ɨ̃ria bai chi atepe piipará bɨma.

Ep'esio 6:14

Mãɨpuru piarã pedea ĩjãa p'anɨnepa chaarea p'anat'ɨ, papaká bɨpa ichi k'ɨrrɨde ne p'ará jɨ̃ bɨ jĩra. Jĩp'a nipat'ɨ nemietá oopidaemaapa, papaká bɨpa ichi k'ak'uade ne chaarea bɨ jɨ̃pari jĩra.

Colosense 3:4

Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

Hebreo 10:35

Mãɨpuru mãrapa Tachi Ak'õrene ĩjãa p'anɨt'a itu bɨrãt'ɨ. Ĩjãa p'ananaipɨra, Tachi Ak'õrepa pajãne nepia minachia teaipɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 6:19

Mãɨpa tachi k'aripa bɨma minachia ĩjãa p'ananamẽrá joerk'et'apa p'ãp'orro jõe uru nɨbɨ jĩra. Tachia jitadai p'anɨt'a piarã k'awa p'anɨma, Jesú pajãnea tachi naa wãsi pẽra. Tachi Ak'õre temá wãsima eda chi p'aru eatɨa jira bɨ wãyá tachi k'aripai k'orea. Mãma tachi P'aare minachia k'awa bɨ beesima Melkisedé bada jĩra. Ewaricha mãɨya bɨma.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

1 Pedro 1:10

Tachi Ak'õre pari pedeapataɨrãpa chõarãena jarapachidama Tachi Ak'õrepa ichi sõpiadepa mãra k'aripait'a. Mãɨ k'orea k'awadai k'orea ãchia jĩrak'aua k'ɨ̃risiapachidama mãɨnepa ak'ɨdak'ari idipachidama.

1 Pedro 3:15

Cristo mãra Chipari pẽra sõnepa ichit'a wap'eat'ɨ. Chi Cristodepa ne atadai nɨ p'anɨ k'orea pia pedeadayá p'anat'ɨ. Mãɨya abaɨpa idisira, p'ue k'ĩruu pedeadawẽa pia p'anoonaipɨ.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

1 Juan 3:3

Chi Cristo jĩra bai k'orea nɨ bɨt'a ara ichit'u ak'ɨ baparima nemietá ooemaapa, Cristo nemietá newẽa bɨ jĩra.