1 Pedro 1:12 - Tachi Ak'õre Pedea

¹² Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

1 Pedro 1:12 ပူးပေါင်းရင်းမြစ်များ

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

Mateo 11:27

»Mɨ Ak'õrepa mɨá ara ichidepema ne ãarea k'awapisima. Abaɨ pida atua p'anɨma mɨ, chi Warra sãmaasã́ bɨ; aba mɨ Ak'õrepuru k'awa bɨma. Ara mãɨ jĩra abaɨ pida atua p'anɨma mɨ Ak'õre sãmaasã́ bɨ; abapuru mɨ, chi Warrapuru mãɨ k'awa bɨma. Mɨa abaɨa mɨ Ak'õre k'awapisira mãɨ ẽpẽra pida k'awaipɨ.

Mateo 16:17

Jesupa jarasima: —Pɨ sõpia bɨma, Simón, Joná warra. Ẽpẽra abaɨ pida pɨá mãɨ k'awapié pasima, mãɨpari mɨ Ak'õre pajãne bɨpa mãɨ k'awapisima.

Marco 16:15

Maapae Jesupa ãchiá jarasima: «Tuacha wãnak'ari chi pedea pia mɨ k'orea ãareaɨrã́ jarat'ɨ.

Luca 15:10

Mɨa jararuma ara mãɨ jĩra nemietá ooparí aba Tachi Ak'õremá cherude Tachi Ak'õrepa ɨt'aripa peedarã ome minachia arapaapatama».

Luca 2:26

Naena Tachi Ak'õre Jaorepa ichiá k'awapisima ichi k'ĩrawẽai naena Tachi Chiparipa Tachi K'aripaparí teai jarada unuit'a.

Luca 9:6

Mãɨya wãnak'ari p'uuru becha, Tachi Ak'õre pedea pia jarapachidama mãɨnepa k'ak'ua piawẽa be jɨpa beepik'oapachidama.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Hecho 10:44

Pedro mãɨ pedea bɨmisa, ãarea chi ichi pedea ũri p'anɨmá Tachi Ak'õre Jaore chesima.

Hecho 16:10

Pablopa mãɨ ununa pẽra taipa k'awasidama Tachi Ak'õrepa tai t'ɨ̃ basit'a, chi pedea pia Jesú k'orea Macedonianepemarã́ jaradamẽrá. Ara mãɨne neet'á oodak'ari wãnayá p'aneesidama.

Hecho 2:33

Tachi Ak'õrepa ichi juaraari Jesú chi atepe bɨ bɨsima. Maapae ichi Jaore teai jarada Jesua teasima, ichiaba ichidirã́ teamẽrá. Jesupa mãɨ Jaore piarã taiyá teasima. Chi mãrapa unu p'anɨt'a mãɨnepa ũri p'anɨt'a ichi Jaorepa mãɨya oopi bɨma.

Hecho 4:31

Tachi Ak'õrea ɨt'aa chiidi p'ananak'ari chi ãchi ará posoa p'anana te ore nɨbeesima. Mãɨne ãareaɨrãpa Tachi Ak'õre Jaore jitadak'ari, Tachi Ak'õre pedea ne wap'eadawẽa pedea tuaneesidama.

Hecho 4:8

Mãɨne Pedropa Tachi Ak'õre Jaoredepa nãɨya p'anoosima: —Tachi p'uurudepema chaarearã mãɨnepa chõarã:

Hecho 8:25

Pedropa mãɨnepa Juanpa chi pedea Tachi Chipari Jesú k'orea jaradak'ari Jerusalenea jĩitea wãsidama. Wãutade Samaria tuade minachia p'uuru bede mãɨ pedea jarade wãsidama.

Romano 1:17

Mãɨ pedea piadepa Tachi Ak'õrepa k'awapi bɨma tachi k'aripait'a, ichia jara bɨ jĩra. Jesucristode ĩjãautarã mãɨya baipɨ. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Romano 10:15

Tachi Ak'õrepa abaɨ pida peewẽpɨra, ¿sãmaasã́ jarateade wãnaima? Tachi Ak'õre pedeade nãɨya bɨ bɨma: «Chi pedea pia jarade cheuta minachia pia p'anɨma».

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

1 Corintio 2:10

Jõma makɨɨ Tachi Ak'õrepa ichi Jaoredepa tachiá k'awapisima. Ichi Jaorepa nejõma k'awa bɨma. Chi Tachi Ak'õre k'ɨ̃risia sida jõma k'awa bɨma.

2 Corintio 1:22

Ichi Jaorepa tachicha tauchaapisima ichidirã k'awadamẽrá. Mãɨnepa tachi sõne bɨsima k'awadamẽrá jõma ichia teai jarada piarã atadaipɨ.

2 Corintio 6:6

Tai jĩp'a nipadadepa, piarã k'ɨ̃risia k'awaadepa, jõma choa p'anɨnepa, sõpiadepa, Tachi Ak'õre Jaore tai sõne bɨdepa, piarã k'ɨ̃rianepa, chi piarã pedea jaratea p'anɨnepa, mãɨnepa Tachi Ak'õre jua chaareadepa mãɨya unupi p'anɨma. Tai jĩp'a p'anɨnepa nemietá p'uepatama mãɨnepa ara mãɨ jĩp'a p'anɨnepa taipa chi nemietá itu p'uepidakama.

Gálata 1:12

Mãɨ pedea mɨa mi ãpia pida ẽpẽranepa k'awaé pasima. Mi ãpia pida ẽpẽrapa mɨá jarateaé pasima. Mãɨpari Jesucristopa mɨá k'awapisima.

Gálata 1:16

ichi Warra mɨá k'awapisima judiorãwẽa ichi k'orea jaramẽrá. Mãɨne mɨa abaɨmá pida idié pasima sãmaasã́ ooi bɨ k'awai k'orea.

Ep'esio 3:10

Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

1 Tesalonicense 2:9

Ũpẽarã, mãrapa k'awa p'anɨma ãst'á mãɨnepa teamasi pida ɨ̃apaadawẽa mimiapachidama erreara ununai k'orea. Taipa pedea pia Tachi Ak'õre k'orea mãrá jaratea p'anasidaɨde k'ɨ̃rianaé pasima mãrapa taiyá ne teadait'a mãra pae chaarea bɨpidaemaapa.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Hebreo 11:13

Mãɨrã ãarea Tachi Ak'õrene ĩjãa p'anɨ piusidama. Maamina Tachi Ak'õrepa teai jarada ãchia nãɨ ĩjũane jitadaé pasima. Maamina k'awasidama k'aadeapema ewaride ichia ãarea teait'a. Mãɨ k'orea arapaasidama mãɨnepa waapẽarã́ pia pedeasidama nãɨ ĩjũane ãchi tua awaraɨdepemarãt'a mãɨnepa tua awaraɨde p'ɨrrɨa bet'a.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

Hebreo 4:2

Chi pedea pia Tachi Ak'õrepa ɨ̃apaapii k'orea tachia ũrisidama tachi chõarãenapemarãpa ũrinana jĩra. Tachia sõnepa ĩjãa p'anɨ pẽra Tachi Ak'õrepa ɨ̃apaapii bɨmá padaipɨ. Maamina tachi chõarãenapemarãpa ũrinak'ari ĩjãanaanawẽ pẽra mãɨ pedeapa ãchi p'ue k'aripaé pasima. Ãchi k'orea Tachi Ak'õrepa nãɨya jarasima: «K'ĩruu bɨde mɨa piarãnepa nãɨya jarasima: “Mɨa chi ãchi ɨ̃apaapii bɨmá p'ue eda wãnaiwẽma”». Mãɨya jarasima nãɨ ĩjũa oodaedadepa ichia ooi bada ãarea oo uru bɨmina.

1 Pedro 1:25

Maamina Tachi Chipari pedea jõk'ama». Mãɨ jõk'apɨ́ pedea pia Cristodepemapɨ. Mãɨt'a tachi ũpẽarãpa mãrá jarasidama.

1 Pedro 4:6

Mãɨpuru piudaadarãpa chi pedea pia Cristo k'orea ũrisidama ãchi jaore chok'ae p'ananamẽrá, Tachi Ak'õre chok'ae bɨ jĩra. Maamina ãchi nãɨ k'ak'uade piusidama, Tachi Ak'õrepa jõmãɨrã piudai p'anɨane ada pẽra.

Apocalipsi 5:11

Mãɨya bɨde mɨa chi Tachi Ak'õrepa peedaɨrã ɨt'aripema k'ari p'anɨ ũrisima. Minachia p'anɨẽra mɨa p'ue joisiaé pasima. Ãchi chi Tachi Ak'õre suak'a beeparí auk'ará bɨt'a, chi ẽpẽra jĩra chok'ae berã mãɨnepa chi veinticuatro chõarã p'anɨt'a jũra p'anasima.