1 Pedro 1:10 - Tachi Ak'õre Pedea

¹⁰ Tachi Ak'õre pari pedeapataɨrãpa chõarãena jarapachidama Tachi Ak'õrepa ichi sõpiadepa mãra k'aripait'a. Mãɨ k'orea k'awadai k'orea ãchia jĩrak'aua k'ɨ̃risiapachidama mãɨnepa ak'ɨdak'ari idipachidama.

1 Pedro 1:10 ပူးပေါင်းရင်းမြစ်များ

Mateo 13:17

Mɨa piarã jararuma: Tachi Ak'õre pari pedeapataɨrã minachia p'anɨrãpa, ẽpẽerã jĩp'a be ome unu k'ɨ̃ria p'anasidama mãrapa unu p'anɨt'a. Maamina ununaé pasima. Ichiaba mãrapa ũri p'anɨt'a ũri k'ɨ̃ria p'anasidamina ũrinaé pasima.

Mateo 26:24

Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.

Luca 10:24

Piarã Tachi Ak'õre pari pedeapataɨrã minachia p'anɨrãpa mãɨnepa poro jũra jɨ̃parí jɨ̃ p'anɨrãpa mãrapa unu p'anɨt'a unu k'ɨ̃ria p'anasidama, maamina ununaé pasima. Ichiaba mãrapa ũri p'anɨt'a ũri k'ɨ̃ria p'anasidamina ũrinaé pasima».

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Juan 5:39

Mãrapa Tachi Ak'õre pedea pia unupatama, mãɨnepema Tachi Ak'õre ome ewaricha chok'ae p'ananait'a k'ɨ̃risia p'anɨ pẽra. ¡Mãɨ k'art'ade mɨ k'orea pedea bɨma!

Juan 7:52

Ãchia p'anoosidama: —¿Mãɨyara pɨ Galileadepemak'ãra? Tachi Ak'õre pedea minachia eda jara base. Mãɨne pɨa k'awaipɨ abaɨ pida Tachi Ak'õre pari pedeaparí Galileadepa chewẽt'a.

Hecho 10:43

Ãarea Tachi Ak'õre pari pedeapataɨrãpa mãɨ k'orea pedeasidama. Ãchia k'awapisidama parituapa Jesude ĩjãaipɨra, mãɨ ẽpẽrapa nemietá oo bada Tachi Ak'õrepa ichidepa k'ɨ̃risia atuait'a.

Hecho 17:11

Berea p'uurudepema judiorã Tesalónica p'uurudepemarã jĩra p'ananaé pasima. Mãɨpari Jesú k'orea ũri k'ɨ̃ria p'anasidama. Ewaricha Tachi Ak'õre pedea minachia jĩrak'aua ak'ɨpachidama ãchia jara p'anɨt'a piarã k'awadai k'orea.

Hecho 28:23

Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá.

Hecho 7:52

Ãchia Tachi Ak'õre pari pedeapataɨrã ãarea mĩapisidama. Chi Ẽpẽra Jĩp'a Bɨ chei k'orea jaradada sida peapachidama. Ara mãɨ jĩra mãrapa mãɨ Ẽpẽra Jĩp'a Bɨ jitadak'ari peasidama.

Hebreo 11:13

Mãɨrã ãarea Tachi Ak'õrene ĩjãa p'anɨ piusidama. Maamina Tachi Ak'õrepa teai jarada ãchia nãɨ ĩjũane jitadaé pasima. Maamina k'awasidama k'aadeapema ewaride ichia ãarea teait'a. Mãɨ k'orea arapaasidama mãɨnepa waapẽarã́ pia pedeasidama nãɨ ĩjũane ãchi tua awaraɨdepemarãt'a mãɨnepa tua awaraɨde p'ɨrrɨa bet'a.

Hebreo 11:40

Tachi Ak'õrepa tachi pae nepia bɨt'a uru bɨ pẽra ichia k'ɨ̃riasima ãchi tachi ome ne ãareaɨne pia p'ananait'a.

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.