1 Pedro 1:1 - Tachi Ak'õre Pedea

¹ Mɨ Pedro, Jesucristopa peedapɨ. Mɨa nãɨ k'art'a bɨruma Tachi Ak'õrepa jɨrɨ atadaɨrã Ponto tuade, Galacia tuade, Capadocia tuade, Asia tuade, Bitinia tuade mãɨnepa chi tua awaraɨrãnepa chedak'ari p'anɨrã pae.

1 Pedro 1:1 ပူးပေါင်းရင်းမြစ်များ

Mateo 10:2

Jesupa peedaɨrã doce p'anɨrã nãɨrã pasima: Simón, Pedro apataɨ; chi ũpẽa André; Zebedeo warrarã Santiago mãɨnepa Juan;

Mateo 24:22

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

Mateo 4:18

Jesú Galilea senia ik'idá nine ẽpẽra ume unusima. Aba Simón pasima, ichiaba Pedro apataɨ. Abaɨ chi ũpẽa André pasima. Mãɨrã to batapachidama. Jesú chesipara to bat'amaa p'anasidama.

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

Juan 11:52

Maamina abapuru judiorã k'orea piuiwẽ pasima, mãɨpari ãarea Tachi Ak'õre warrarã nãɨ ĩjũane awara awará be p'uuru aba bɨi k'orea.

Juan 7:35

Mãɨ k'orea judiorã chi arí berãpa ara ãchi tuaba jara tuanasidama: —¿Sãmá wãi pẽra tachia ichi waa ununaiwẽane a bɨma? ¿Griegodepemarã tuadea wãik'ãra judiorã jãma berã́ jarateai k'orea?

Hecho 18:2

Mãma judio Aquila apataɨ unusima. Mãɨ Aquila Ponto tuadepema pasima. Chi k'ima Priscila ome Italia tuadepa chedada tãaraawẽa basima. Italiadepa wã p'anasima, chi Romanepema chi atepe chaarea bɨ Claudiopa judiorã ãarea Romane bee ãyá jerek'oada pẽra. Corinto p'uurude Pablo ãchimá wãsima ãchi jĩra p'aru te oo k'awa bɨ pẽra. Maapae ãchi ome beesima tausia mimiai k'orea.

Hecho 18:23

Pablo mãma tãaraa bak'ari Galacia tuade mãɨnepa P'rigia tuade p'ɨrrɨasima. P'uurucha chi Jesude ĩjãapataɨrã́ jarateasima pia ĩjãanamẽrá.

Hecho 19:10

Ãyo k'ak'o ume mãɨya oosima. Mãɨya ãarea Asia tuadepema judiorãpa mãɨnepa judiorãwẽpa Tachi Chipari Jesú k'orea ũrisidama.

Hecho 6:9

Mãɨne waapẽarã judiorã Cirene tuadepema mãɨnepa Alejandría p'uurudepema p'anasidama. Chi judiorã ará pedeapataɨ te “Chi Ãjã́ Pari P'anɨrã” apachidama. Waapẽarã judiorã Cilicia ĩjũanepema mãɨnepa Asia ĩjũanepema p'anasidama. Ãarea mãɨ judiorã Esteban ome k'ĩruu pedea tuaneesidama.

Hecho 8:4

Maamina Jerusalenepa mĩruwãnaanapa ãchi wãutacha chi Jesú k'orea pedea pia jarapachidama.

1 Corintio 16:19

Ũpẽarã Asia tuadepemarãpa k'ɨ̃ria p'anɨma mãra pia p'ananait'a. Ũpẽa Aquilapa, ũpẽawẽra Priscilapa mãɨnepa ũpẽarã ãchi tede ará nɨbeepataɨ Tachi Chipari k'orea k'ɨ̃ria p'anɨma mãra pia p'ananait'a.

2 Corintio 1:8

Ũpẽarã, mãɨpuru taipa k'ɨ̃ria p'anɨma mãrapa k'awadai tai Asia tuade piarã minachia mĩa p'anasidaɨt'a. Jãɨya tai nepɨrade p'anana pẽra waa p'ue choadaiwẽ k'ɨ̃risiasidama mãɨnepa p'ue chok'ae p'ananaiwẽ k'ɨ̃risiasidama.

Gálata 1:2

Mɨa nãɨ k'art'a bɨruma ũpẽarã Galacia tuadepemarã pae. Jõma ũpẽarã mɨ ome p'anɨrãpa k'ɨ̃ria p'anɨma,

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Ep'esio 2:19

Mãɨpuru mãra judiorãwẽ waa ẽpẽerã tua awaraɨdepemarã jĩra p'ananaiwẽma, mãɨpari Tachi Ak'õre p'uurudepemarã ome ará p'anɨma; mãra ẽpẽrarã Tachi Ak'õrenepemarãpɨ.

2 Timoteo 1:15

Pɨa k'awa bɨma jõma ũpẽarã Asia tuadepemarãpa mɨ itu ameesidaɨt'a. Mãɨrãnepema ũpẽa P'igelopa mãɨnepa Hermogenepa mãɨya oosidama.

Hebreo 11:13

Mãɨrã ãarea Tachi Ak'õrene ĩjãa p'anɨ piusidama. Maamina Tachi Ak'õrepa teai jarada ãchia nãɨ ĩjũane jitadaé pasima. Maamina k'awasidama k'aadeapema ewaride ichia ãarea teait'a. Mãɨ k'orea arapaasidama mãɨnepa waapẽarã́ pia pedeasidama nãɨ ĩjũane ãchi tua awaraɨdepemarãt'a mãɨnepa tua awaraɨde p'ɨrrɨa bet'a.

Santiago 1:1

Mɨ Santiagopɨ, Tachi Ak'õre pae pari mimiaparí mãɨnepa Tachi Chipari Jesucristo pae pari mimiaparí. Nãɨ k'art'a bɨruma Israeldepema doce warrarãnepema chedaadarã tuacha berã pae. Mɨa k'ɨ̃ria bɨma mãra pia p'ananamẽrá.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

Apocalipsi 1:11

Mãɨpa jarasima: «Pɨa unurut'a k'art'ade bɨk'ari ũpẽarã siete p'uuru bede p'anɨmá tea peese: Ep'esodea, Esmirnanea, Pérgamonea, Tiatiradea, Sardidea, P'iladelp'iadea, mãɨnepa Laodiceadea».