1 Juan 5:21 - Tachi Ak'õre Pedea

²¹ Mɨ warrarã, juapa oodada sãdo bede ĩjãarãt'ɨ.

1 Juan 5:21 ပူးပေါင်းရင်းမြစ်များ

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

1 Corintio 10:14

Mãɨpuru mɨ ũpẽarã mɨa k'ɨ̃ria bɨma chi juapa oodada sãdo itu bɨt'ɨ.

1 Corintio 10:7

Juapa oodada sãdode ĩjãarãt'ɨ mãɨrãnepema waapẽarãpa ĩjãanana jĩra. Tachi Ak'õre pedeade ãchi k'orea nãɨya bɨ bɨma: «Ẽpẽrarã suak'abari p'aneenak'ari arapá ará nek'o tuanasidama mãɨnepa it'ua to tuanasidama. Mãɨya nak'ari p'irabaridak'ari ãchi k'ak'uapa oo k'ɨ̃ria bɨt'a oo tuaneesidama».

1 Tesalonicense 1:9

Ara ãchia jara p'anɨma sãmaasã́ tai mãramá chedak'ari, mãrapa pia pedeasidaɨt'a, mãɨnepa sãdo be itu bɨsidaɨt'a Tachi Ak'õre piarã chok'ae bɨde ĩjãanai k'orea.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

Apocalipsi 14:11

Chi mãɨ ẽpẽra minachia mĩa bɨmá mãɨ t'ɨpɨ tau k'iiwẽa baipɨ, maawẽapuru nãri minachia che nɨbaipɨ. Chi abaɨpa chi ãnimarane mãɨnepa chi sãdo juapa oodaada ara ichi jĩra bɨ k'ɨ̃riaipɨra, mãɨ ɨ̃apaawẽa baipɨ. Mãɨ ãnimara t'ɨ̃ itu tauchaapidaadapa mãɨrã p'ue ãst'á mãɨnepa teamasi ɨ̃apaadawẽa p'ananaipɨ».

Apocalipsi 9:20

Chi ẽpẽerã mãɨ mãɨya badadepa piudadawẽpa wapida ãchia nemietá oodai mãɨnepa tiorerãne ĩjãanai itu bɨdaé pasima. Juapa oodada sãdo itu bɨdaé pasima: chi nee ooda, p'arat'a ooda, bronce ooda, mawara ooda mãɨnepa pak'uru ooda mãɨrã ãarea itu bɨdaé pasima. Mãɨrã ãstu ununak'ama, ũrinak'ama, mãɨnepa wãnak'ama.