1 Juan 5:20 - Tachi Ak'õre Pedea

²⁰ Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

1 Juan 5:20 ပူးပေါင်းရင်းမြစ်များ

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Luca 21:15

Mɨapuru mãrá k'ɨ̃risia teaipɨ pia pedeadamẽrá. Mãɨpuru mãrapa jarautat'a mãra unuemaa p'anɨpa mi ãpia pida p'ue k'achia pedeadaiwẽma.

Luca 24:45

Maapae Jesupa ãchiá k'ɨ̃risia teasima Tachi Ak'õre pedea k'awadamẽrá.

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 10:30

Mɨ, mɨ Ak'õre ome aba p'anɨma.

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 14:9

Mãɨpuru Jesupa jarasima: —P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma?

Juan 15:4

Mɨ ome ará p'anat'ɨ mɨ mãra ome ará bɨ jĩra. Pak'uru jua chi bɨɨrɨ ome ará baepɨra, ara ichit'u p'ue chauk'ama. Ara mãɨ jĩra mãra ara mɨ ome p'ananaepɨra p'ue chaudaiwẽma.

Juan 17:14

Pɨa jarada mɨa ãchiá jarateasima. Maamina nãɨ ĩjũanepemarãpa ãchi unuemaa p'anɨma mɨ jĩra nãɨ ĩjũanepemawẽ pẽra.

Juan 17:25

Ak'õre, pɨ jĩp'a bɨma. Nãɨ ĩjũanepemarãpa pɨ atua p'anɨma, maamina mɨa pɨ k'awa bɨma. Mãɨnepa nãɨrã pida k'awa p'anɨma pɨa mɨ nãmá peesit'a.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Romano 9:5

Ãchi chõarãenapemarã chi minachia k'awapataɨrã pasima. Ãchidepa Cristo ẽpẽra k'ak'uade chesima. Ichit'a jõmãɨrã Ak'õrepɨ. Ichiaapuru tachia ewaricha pia pedeadai p'anɨma. Mãɨya beese.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

Ep'esio 3:18

Mãɨne mãrapa jõma ẽpẽrarã Tachi Ak'õrenepemarã ome p'ue k'awadaipɨ chi Cristopa tachi k'ɨ̃ria bɨt'a. Mãɨ jet'ea bɨma, teesoa bɨma, ɨt'ɨ bɨma mãɨnepa eudu bɨma.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Hebreo 1:8

Maamina ichi Warra k'oreapuru Tachi Ak'õrepa nãɨya jarasima: «Tachi Ak'õre, pɨ ewaricha ne ãareaɨrã chiparipɨ. Pɨ p'uuru jĩp'a bapiparima.

1 Juan 2:23

Chi Tachi Ak'õre Warra itu bɨ bɨpa Tachi Pajãnepema Ak'õre uru bɨwẽma. Chi Jesú Tachi Ak'õre Warraade a bɨpa Tachi Pajãnepema Ak'õre sida uru bɨma.

1 Juan 2:24

Mãɨpuru mãrapa ĩjãasidaedapema chi Cristo k'orea ũri p'anɨt'a mãra sõne minachia pia yaa uru p'anat'ɨ. Mãɨ minachia yaa uru p'anɨpɨra, Tachi Pajãnepema Ak'õre ome mãɨnepa ichi Warra ome pida ará p'ananaipɨ.

1 Juan 4:14

Taipa ichi Warra unusida pẽra mãɨya jara p'anɨma Tachi Pajãnepema Ak'õrepa mãɨ piarã peesit'a nãɨ ĩjũanepemarã k'aripamẽrá.

1 Juan 4:16

Tachia k'awa p'anɨma mãɨnepa ĩjãa p'anɨma Tachi Ak'õrepa tachi k'ɨ̃ria bɨt'a. Tachi Ak'õrepa ne ãareaɨne k'ɨ̃ria bɨma. Chi piarã k'ɨ̃ria uru bɨ Tachi Ak'õre ome bɨma mãɨnepa Tachi Ak'õre ichi ome bɨma.

1 Juan 4:2

Nãɨya mãrapa k'awadaipɨ k'ai Tachi Ak'õre Jaoredepa pedea bɨt'a: abapa Jesucristo nãɨ k'ak'uade piarã chesiade aipɨra, Tachi Ak'õre Jaoredepa pedea bɨma.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.

1 Juan 5:15

Tachia idiuta ũriparit'a k'awa p'anɨ pẽra, k'awa p'anɨma mãɨ idiuta ichia teait'a.

1 Juan 5:18

Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

1 Juan 5:5

¿K'aipa nãɨ ĩjũanepema nemietá p'ue itu bɨima? Abaɨpa Jesú piarã Tachi Ak'õre Warrat'a ĩjãa bɨpɨra, mãɨ ẽpẽrapa mãɨ p'ue itu bɨipɨ.

Apocalipsi 15:3

Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 19:11

Mãɨya nak'ari mɨa unusima pajãne eda wãpataɨ ewa nɨbɨ. Mãɨya bɨde mũra t'ot'oa bɨt'a chesima. Mãɨ mũra ɨ̃rɨ suak'abari bɨt'a Chi Ichia Jarada Jĩra Abarik'a Oo Bɨade apatama mãɨnepa Chi Piarãane apatama. Ichia ẽpẽerã nepɨra jĩp'a ak'ɨparima mãɨnepa jĩp'a oo bɨdepa chi nek'ĩramá ome k'ĩruuparima.

Apocalipsi 3:14

»Chi Laodicea p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Piarãpẽa Pedea apataɨpa Tachi Ak'õre k'orea piarã jõma arí jaraparima. Ichidepa Tachi Ak'õrepa nejõma oosima. Ichia nãɨya jara bɨma:

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.

Apocalipsi 6:10

Nãɨya ɨbɨa jarasidama: «Jõmãɨrã Chipari, pɨ minachia pia bɨma, mãɨnepa pɨ pedea piarãpẽapɨ. ¿Sãapae pɨa chi jãɨ ĩjũanepemarã nepɨra ak'ɨk'ari maapae ɨtɨaima, tai peadada k'orea?»