1 Juan 5:18 - Tachi Ak'õre Pedea

¹⁸ Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

1 Juan 5:18 ပူးပေါင်းရင်းမြစ်များ

Mateo 5:37

Mãrapa ne oodayade adaipɨra, oot'ɨ. Ichiaba oodawẽane adaipɨra, oorãt'ɨ. Mãɨ paritua t'ɨ̃ne piarã ne ooyade a jarasira mãɨ pedea nemietaadepa che bɨma.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Juan 1:13

Ãchi Tachi Ak'õre warrarã padaé pasima ãchi naepa t'õnanepa wa tachia k'ɨ̃ria p'anananepa. Mãɨpari Tachi Ak'õrepuru ichi warrarã papisima.

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 15:4

Mɨ ome ará p'anat'ɨ mɨ mãra ome ará bɨ jĩra. Pak'uru jua chi bɨɨrɨ ome ará baepɨra, ara ichit'u p'ue chauk'ama. Ara mãɨ jĩra mãra ara mɨ ome p'ananaepɨra p'ue chaudaiwẽma.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Juan 15:9

Mɨa mãra k'ɨ̃ria bɨma mɨ Ak'õrepa mɨ k'ɨ̃ria bɨ jĩra. Mãɨpuru mɨa mãra k'ɨ̃rianepa p'anat'ɨ.

Hecho 11:23

Mãɨ Bernabé ẽpẽra jĩp'a basima. Jesude minachia ĩjãa basima; Tachi Ak'õre Jaoredepa pia basima. Bernabé Antioquiade cheside unusima Tachi Ak'õrepa ichi sõpiadepa ũpẽarã k'aripa bɨt'a. Mãɨpuru minachia sõ arapaasima. Mãɨne ãareaɨrã́ jarapachima sõnepa ewaricha Tachi Chiparide piarã ĩjãanamẽrá. Mãɨya bɨde minachia p'anɨrãpa chi Tachi Chiparide ĩjãasidama.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

Santiago 1:27

Chi piarã ĩjãa bɨpa nãɨya ooi bɨma Tachi Pajãnepema Ak'õrepa ichia oo bɨ pia unumẽrá mãɨnepa jĩp'a unumẽrá: jẽramãra warrarã mãɨnepa p'ẽtãarã minachia mĩa p'anɨrã k'aripai bɨma, mãɨnepa nãɨ ĩjũanepemarãpa nemietá oopataɨ jĩra ooiwẽa bɨma.

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

1 Juan 2:29

Mãrapa k'awa p'anɨma Jesucristo jĩp'a bɨt'a. Mãɨnepa k'awa p'anɨma jõma jĩp'a oo be Tachi Ak'õrenepa t'õnaanarãt'a.

1 Juan 3:12

Caín jĩra p'ananaiwẽa p'anɨma. Tioredé pasi pẽra ichi ũpẽa peasima. ¿K'ãre k'orea ichi ũpẽa peasima? Peasima ichi ũpẽapa oo bada Tachi Ak'õre k'ĩrari pia bada pẽra mãɨnepa ichia ooda piawẽa bada pẽra.

1 Juan 3:3

Chi Cristo jĩra bai k'orea nɨ bɨt'a ara ichit'u ak'ɨ baparima nemietá ooemaapa, Cristo nemietá newẽa bɨ jĩra.

1 Juan 3:9

Chi Tachi Ak'õrenepa t'õnapa nemietá oo bak'ama, Tachi Ak'õre chok'ae bɨ ichide bapari pẽra. Tachi Ak'õrenepa t'õna pẽra nemietá p'ue oo bak'ama.

1 Juan 4:6

Maamina tachi Tachi Ak'õrenepɨ. Chi Tachi Ak'õre k'awa bɨpa tachia jaratea p'anɨt'a ĩjãaparima. Chi Tachi Ak'õre atua bɨpa tachia jaratea p'anɨt'a ĩjãak'ama. Mãɨnepa tachia k'awa p'anɨma k'aipa Tachi Ak'õre Jaoredepa piarã pedea jaratea bɨt'a mãɨnepa k'aipa awaraɨ jaoredepa sea jaratea bɨt'a.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.

1 Juan 5:15

Tachia idiuta ũriparit'a k'awa p'anɨ pẽra, k'awa p'anɨma mãɨ idiuta ichia teait'a.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

1 Juan 5:21

Mɨ warrarã, juapa oodada sãdo bede ĩjãarãt'ɨ.

1 Juan 5:4

Jõma Tachi Ak'õrenepa t'õnaanapa nãɨ ĩjũanepema nemietá itu bɨpatama. Piarã tachia Jesucristode ĩjãa p'anɨ pẽra mãɨ p'ue itu bɨdaipɨ.

Juda 1:21

Tachi Ak'õrepa tachi k'ɨ̃ria bɨdepa nipat'ɨ. Tachi Chipari Jesucristopa k'ĩra chupuria bɨdepa ewaricha chok'ae bapiit'a nɨ p'anat'ɨ.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.