1 Juan 5:14 - Tachi Ak'õre Pedea

¹⁴ Tachi Ak'õrepa k'ɨ̃ria bɨ jĩra tachia ididaipɨra, k'awa p'anɨma ichia ũriparit'a. Mãɨpuru ne wap'eawẽa ichiá ididai p'anɨma.

1 Juan 5:14 ပူးပေါင်းရင်းမြစ်များ

Mateo 21:22

Mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

Juan 11:42

Mɨa k'awa bɨma pɨa mɨ pedea ũri baparit'a, maamina mɨa mãɨ jarasima nãɨrã ẽpẽerãpa k'awadamẽrá pɨa mɨ peesit'a.

Juan 14:13

Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Juan 16:24

Mãrapa waidi Tachi Ak'õrea mi ãpia pida mɨ t'ɨ̃nepa ne ididawẽa p'anɨma. Maamina mãɨya ne ididaipɨra mãɨ jitadaipɨ. Mãɨya mãra minachia arapá p'ananaipɨ.

Juan 9:31

Tachia k'awa p'anɨma nemietá oopataɨrãpa idiuta Tachi Ak'õrepa pia ũrik'at'a. Mãɨ awara k'awa p'anɨma parituapa Tachi Ak'õre wap'ea bɨpɨra mãɨnepa ichia k'ɨ̃ria bɨt'a oo bɨpɨra, chi mãɨpa idirut'a Tachi Ak'õrepa pia ũriparit'a.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

Hebreo 10:35

Mãɨpuru mãrapa Tachi Ak'õrene ĩjãa p'anɨt'a itu bɨrãt'ɨ. Ĩjãa p'ananaipɨra, Tachi Ak'õrepa pajãne nepia minachia teaipɨ.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Santiago 4:3

Mãɨnepa mãrapa Tachi Ak'õrea ɨt'aa chiidiutade jitadak'ama k'ɨ̃risia mietaadepa ɨt'aa chiidipata pẽra. Mãrapa ɨt'aa chiidipatama, machia k'ɨ̃ria p'anɨ jĩra oodai k'orea.

Santiago 5:16

Mãɨ k'orea mãrapa nemietá oodada abaɨa jaradak'ari, jõrea jarat'ɨ. Mãɨnepa tausia Tachi Ak'õrea ɨt'aa chiidit'ɨ pia tuananai k'orea. Ẽpẽra jĩp'a bɨpa Tachi Ak'õrea ɨt'aa chiidisira Tachi Ak'õre jua chaareadepa ne waibɨa ooparima.

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.