1 Juan 5:11 - Tachi Ak'õre Pedea

¹¹ Tachi Ak'õrepa jara bɨ nãɨpɨ: ichi Warradepa tachi ewaricha ichi ome chok'ae p'anapiipɨ.

1 Juan 5:11 ပူးပေါင်းရင်းမြစ်များ

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Juan 1:19

Nãɨ chi Juanpa ara ichi k'orea jaradapɨ. Judiorã chaarearãpa Jerusalenepa p'aarerã mãɨnepa Levidepemarã Juanmá peesidama ichiá nãɨya ididamẽrá: —¿Pɨ k'aima? ¿Pɨ Tachi Ak'õrepa Tachi K'aripaparí teai jaradak'ãra?

Juan 1:4

Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Juan 10:28

Mɨa ãchi Tachi Ak'õre ome ewaricha chok'ae bapiparima. Ãchi atuadaiwẽma mãɨnepa mi ãpia pida mɨ juadepema p'ue ẽemarinaiwẽma.

Juan 12:50

Mɨa k'awa bɨma chi ichia mɨá pedeapit'a, ẽpẽerã ichi ome ewaricha chok'ae tuananamẽrá. Mãɨpuru mɨ Ak'õrepa mɨá jarada jĩra mɨa mãɨya pedea bɨma».

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 19:35

Chi nãɨ k'art'a bɨdapa piarã mãɨ unusima. Ichia jara bɨt'a piarãpɨ. Ichia k'awa bɨma piarã pedea jara bɨt'a mãra pida sõnepa ĩjãanamẽrá.

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Juan 4:36

Ne uu ĩjũa baadai ewari chesima. Ne uu ĩjũa baauta jĩra mãra mimianaipɨ ẽpẽerãpa mɨne ĩjãanamẽrá. Mãɨya ãchi Tachi Ak'õre ome ewaricha chok'ae p'ananaipɨ. Chi ne uu ĩjũa baaparí arapaaparima ichia erreara jitai bɨ pẽra. Ara mãɨ jĩra mãra arapaadaipɨ ẽpẽerãpa mɨne ĩjãauta k'orea. Chi ne uu ĩjũa baaparí chi ne uuparí ome arapá p'ananaipɨ.

Juan 4:4

Maamina Galileadea pai k'orea Samaria tuade eda wãi basima.

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Juan 5:26

Mɨ Ak'õrepa chok'ae bapipari jĩra, mɨa ara mãɨya chok'ae bapiparima ichia mãɨya bɨda pẽra.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Juan 6:47

»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ.

Juan 6:68

Simón Pedropa p'anoosima: —Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

1 Timoteo 1:16

Maamina mãɨ k'orea Tachi Ak'õrepa mɨ k'ĩra chupuriasima. Mãɨya Jesucristopa mɨ, chi k'achia badadepema unupisima ichia ãarea pia choa bɨt'a. Mɨnepa chi wapida ĩjãanak'apɨɨrã́ k'awapisima sãmaasã́ ẽpẽra k'achia k'ĩra chupuriaparit'a ewaricha chok'ae p'aneenamẽrá.

Tito 1:2

Chi mãɨya ĩjãa p'anɨpa Tachi Ak'õre ome ewaricha chok'ae p'ananai k'orea nɨ p'anɨma, nãɨ ĩjũa ooi naena Tachi Ak'õre sea jarak'á bɨpa mãɨya ooyade asi pẽra.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

1 Juan 4:9

Tachi Ak'õrepa tachi k'ɨ̃ria bɨt'a unupisima ichi Warra aba bɨ nãɨ ĩjũanea peeside ichidepa ewaricha chok'ae p'ananamẽrá.

1 Juan 5:10

Chi Tachi Ak'õre Warrade ĩjãa bɨpa ichi sõne k'awa bɨma Tachi Ak'õrepa jara bɨ piarãt'a. Maamina chi Tachi Ak'õrepa jara bɨt'a ĩjãawẽa bɨpa Tachi Ak'õrepa sea jara bɨade a k'ɨ̃risia bɨma, ichi Warra k'orea jara bɨt'a ĩjãawẽa bɨ pẽra.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

1 Juan 5:7

Mãɨnepa pajãne ũpea p'anɨpa mãɨ piarã abarik'a jara p'anɨma; Tachi Pajãnepema Ak'õrepa mãɨya jara bɨma, chi «Pedea» apataɨpa mãɨya jara bɨma mãɨnepa ichi Jaore pida mãɨya jara bɨma. Mãɨ ũpea p'anɨt'a ãchi aba bɨpɨ.

3 Juan 1:12

Ũpẽa Demetrio k'orea jõmãɨrãpa pia pedea p'anɨma. Chi piarã pedea ĩjãa bɨdepa unupi bɨma ichi jĩp'a bɨt'a. Tai pida ichi k'orea pia pedea p'anɨma. Mãrapa k'awa p'anɨma taipa jara p'anɨ piarãt'a.

Juda 1:21

Tachi Ak'õrepa tachi k'ɨ̃ria bɨdepa nipat'ɨ. Tachi Chipari Jesucristopa k'ĩra chupuria bɨdepa ewaricha chok'ae bapiit'a nɨ p'anat'ɨ.

Apocalipsi 1:2

Jõma mɨa ununa piarã jara bɨma. Mɨa jararuma nãɨ pedea Tachi Ak'õrenepa che bɨt'a mãɨnepa Jesucristopa piarãt'a k'awapisit'a.

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.