1 Juan 5:10 - Tachi Ak'õre Pedea

¹⁰ Chi Tachi Ak'õre Warrade ĩjãa bɨpa ichi sõne k'awa bɨma Tachi Ak'õrepa jara bɨ piarãt'a. Maamina chi Tachi Ak'õrepa jara bɨt'a ĩjãawẽa bɨpa Tachi Ak'õrepa sea jara bɨade a k'ɨ̃risia bɨma, ichi Warra k'orea jara bɨt'a ĩjãawẽa bɨ pẽra.

1 Juan 5:10 ပူးပေါင်းရင်းမြစ်များ

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Juan 3:18

Tachi Ak'õrepa chi ichi Warrade ĩjãa bɨt'a nepɨra pará bɨade a bɨwẽma. Maamina chi ichi Warrade ĩjãawẽa bɨt'a Tachi Ak'õrepa mãɨ nepɨra pará bɨade aparima, ichi Warra aba bɨt'a itu bɨda pẽra.

Juan 3:33

Chi ichi pedeade ĩjãa bɨpa k'awa bɨma Tachi Ak'õrepa jara bɨt'a piarãpɨ.

Juan 5:38

Mãɨnepa ichi pedea mãra sõne newẽma, mɨ, chi ichia Peedade ĩjãanak'a pẽra.

Hecho 8:37

P'elipepa jarasima: —Pɨa Jesú Tachi Ak'õre Warra piarã sõnepa ĩjãa bɨpɨra, porochoai bɨma. Mãɨne chi Etiopiadepema mimiaparí minachia k'awa bɨpa p'anoosima: —Mɨa piarã ĩjãa bɨma Jesucristo Tachi Ak'õre Warrapɨ.

Romano 8:16

Tachi sõne Tachi Ak'õre Jaorepa k'awapi bɨma piarã Tachi Ak'õre warrarãt'a.

Gálata 4:1

Mɨa jara bɨt'a nãɨ jĩra bɨma: warrapa ichi ak'õrené neet'á ãarea jitai bɨmina, ichi k'aepe bɨmisa, ichi ak'õre pae pari mimiaparí jĩra bɨma.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

Colosense 3:3

Mãɨya p'ɨrrɨadai p'anɨma, Cristo ome piudak'ari, ichi ome chok'ae p'anɨ pẽra. Mãɨ waapẽarã k'awadak'ama. Maamina Cristo Tachi Ak'õre ome chok'ae bɨ pẽra, mãra sida Tachi Ak'õre ome chok'ae p'anɨma.

Hebreo 3:12

Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

2 Pedro 1:19

Mãɨ awara k'awa p'anɨma Tachi Ak'õre pari pedeapataɨrãpa jaradada piarãt'a. Mãɨ pedea ĩpira p'ãrione urua bɨ jĩra bɨ pẽra mãrapa minachia jĩrak'aua ũrinai p'anɨma. Ĩpira uruaparima aba ewari wãrunea, aba chi tap'edepema k'ãk'ãi ochiarudea. Ara mãɨ jĩra tachi nãɨ ĩjũa nemietaade p'anɨmisa mãɨ pedeapa tachi sõne k'awapi bɨma sãmaasã́ nipadai p'anɨt'a aba Cristo cherudea.

1 Juan 1:10

Tachia nemietá oodak'aade adaipɨra, Tachi Ak'õre chi sea bɨade a p'anɨma mãɨnepa ichi pedea ĩjãanawẽa p'anɨma.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.

Apocalipsi 12:17

Mãɨpuru chi je minachia k'ĩruusima chi wẽra ome. Ara mãɨne chi wẽranepa chedaadarã ome k'ĩruune wãsima. Mãɨ chedaadarã chi Tachi Ak'õrepa oopi bɨ pedea oopataɨrãpɨ, mãɨnepa chi Jesucristopa jarateadade ĩjãapataɨrãpɨ.

Apocalipsi 2:17

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa maná mẽra bada k'opiipɨ mãɨnepa mawara chak'e t'ot'oa bɨt'a teaipɨ. Mãɨ mawara chak'e bɨde t'ɨ̃ chiwidi bɨ bɨma. Abaɨ pida mãɨ t'ɨ̃ atuama. Maamina chi jitarupuru k'awaipɨ.

Apocalipsi 2:28

Mɨa chi ãsã parudepema k'ãk'ãi ãchiá teaipɨ.