1 Juan 4:17 - Tachi Ak'õre Pedea

¹⁷ Mãɨya tachia Tachi Ak'õre mãɨnepa jõma ẽpẽrarã piarã k'ɨ̃ria p'anɨma. Tachi Ak'õrepa ɨtɨai ewaride tachi ne wap'eawẽa p'ananaipɨ, nãɨ ĩjũane Jesucristo nipada jĩra nipadada pẽra.

1 Juan 4:17 ပူးပေါင်းရင်းမြစ်များ

Mateo 10:15

Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Mateo 11:22

Maamina mɨa mãrá jararuma: Tachi Ak'õrepa jõmãɨrã ɨtɨai ewaride Tirodepemarã mãɨnepa Sidonepemarã k'aepẽra mãra atepe ɨtɨaipɨ.

Mateo 11:24

Maamina mɨa jararuma: Tachi Ak'õrepa ãareaɨrã ɨtɨai ewaride Sodomanepemarã k'aepẽra mãra atepe ɨtɨaipɨ.

Mateo 12:36

Pɨa nepia jaraipɨra Tachi Ak'õrepa pɨ pia beepiipɨ. Maamina ne piawẽa jaraipɨra ɨtɨaipɨ. Mɨa mãrá jararuma: Tachi Ak'õrepa ɨtɨai ewaride jõmãɨrãpa ichiá jaradai ãchia pedea mietá paritua jaradada k'orea».

Juan 15:20

K'ɨ̃risiat'ɨ mɨa nãɨ jarada: “Abaɨ pida ichi chipari pae pari mimiaparí ichi chipari k'aepẽra atepe bɨwẽma”. Mãɨpa jara bɨma ẽpẽerãpa mɨ pedea oo p'anɨpɨra, mãra pedea sida oodaipɨ. Maamina ãchia mɨ ẽp'ẽ p'anɨpɨra, mãra sida ẽp'ẽnaipɨ.

Juan 17:22

Pɨa mɨ ateewãsima tachi ará p'ananamẽrá. Mãɨya mɨ chi choma bɨsima. Ara mãɨ jĩra mɨa ãchi chi choma bɨsima tachi ome k'ak'ua aba bɨ jĩra p'ananamẽrá.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Hebreo 9:27

Ãareaɨrã bari k'ak'o aba piudaipɨ. Mãɨya nak'ari Tachi Ak'õrepa tachi ɨtɨaipɨ.

Santiago 2:13

Chi waapẽarã k'ĩra chupuriak'aɨ Tachi Ak'õrepa nepɨra ak'ɨrude k'ĩra chupuriaiwẽma. Mãɨne chi waapẽarã k'ĩra chupuriapataɨ pia p'ananaipɨ.

Santiago 2:22

Pɨa k'awa bɨma Abrahanpa mãɨya oosit'a piarã Tachi Ak'õrene ĩjãana pẽra. Mãɨnepa mãɨya ooda pẽra unupisima Tachi Ak'õrene piarã ĩjãa bɨt'a.

2 Pedro 2:9

Mãɨpa unupi bɨma Tachi Chiparipa chi jĩp'a oo berã minachia mĩa p'anɨnepema k'aripayá bɨt'a. Mãɨnepa k'awa bɨma chi jĩp'a oowẽa berã sãmaasã́ uru bait'a aba ichia ɨtɨai ewaridea.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

1 Juan 2:5

Maamina chi Tachi Ak'õre pedea oo bɨpa Tachi Ak'õre piarã k'ɨ̃ria bɨma. Chi Tachi Ak'õre ome ará bɨade a bɨt'a Jesucristo nipada jĩra nipai bɨma. Tachi mãɨya nipadaipɨra, k'awa p'anɨma piarã ichi ome ará p'anɨt'a.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

1 Juan 3:3

Chi Cristo jĩra bai k'orea nɨ bɨt'a ara ichit'u ak'ɨ baparima nemietá ooemaapa, Cristo nemietá newẽa bɨ jĩra.

1 Juan 3:7

Mɨ warrarã, abaɨa itu seapirãt'ɨ. Chi jĩp'a oo bɨ Tachi Ak'õre k'ĩrari jĩp'a bɨma Cristo jĩp'a bɨ jĩra.

1 Juan 4:12

Abaɨ pida Tachi Ak'õre taupa ununak'ama. Maamina tachi chi k'ɨ̃ria p'anɨpɨra, Tachi Ak'õre tachi ome bɨma mãɨnepa ichi k'ɨ̃rianepa tachia piarã jõmãɨrã k'ɨ̃ria p'anɨma.