1 Juan 3:21 - Tachi Ak'õre Pedea

²¹ Ũpẽarã, tachi sõne nepɨra newẽa p'anɨ jĩra a k'ɨ̃risiadaipɨra, ne wap'eadawẽa Tachi Ak'õrea p'ue ɨt'aa chiididaipɨ.

1 Juan 3:21 ပူးပေါင်းရင်းမြစ်များ

Romano 14:22

Pɨa nejõma k'oi k'ɨ̃risia bɨpɨra, wa nejõma k'oiwẽ k'ɨ̃risia bɨpɨra, aba pɨapuru Tachi Ak'õre ome pɨ k'ɨ̃risiat'a k'awa bɨma. Piarã tachia oo p'anɨ k'orea tachi sõne piawẽa k'ɨ̃risiadaepɨra, minachia arapá p'ananaipɨ.

1 Corintio 4:4

Mɨa mi ãpia pida nemietá oo bɨwẽane a bɨmina, mãɨya jara bɨwẽma mɨ mi ãpia pida piarã nemietá oowẽa bɨade a bɨwẽma. Tachi Chiparipuru mɨ nepɨra ak'ɨipɨ.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

1 Timoteo 2:8

Mãɨpuru ũpẽarã ará nɨbeerude, mɨa k'ɨ̃ria bɨma techa ɨmɨk'ĩrarãpa k'ɨ̃risia piadepa ãchi jua ɨt'aa jiradak'ari, Tachi Ak'õrea ɨt'aa chiididamẽrá. Mãɨne k'ĩruu p'ananaiwẽa p'anɨma mãɨnepa awaraɨ ome k'ĩruu pedea p'ananaiwẽa p'anɨma.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Hebreo 4:16

Mãɨpuru tachia p'uedawẽa p'anɨne, Tachi Ak'õre poro jũra jɨ̃parí jɨ̃ bɨ suak'a beeparimá wãuta jĩra, ne wap'eadawẽa ichiá ɨt'aa chiididai p'anɨma. Mãɨya ichia tachi k'ĩra chupuriaipɨ mãɨnepa ichia k'aripamẽrá ɨt'aa chiidiutade ichi sõpiadepa k'aripaipɨ.

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

1 Juan 2:7

Ũpẽarã, mɨa mãra pae bɨwẽa bɨma, chi Tachi Ak'õrepa oopi bɨ pedea chiwidit'a, mãɨpari bɨ bɨma ichia naena jara bɨeda. Mãɨ jara bɨeda mãrapa Cristode ĩjãasidaedapema k'awa p'anɨma. Mãɨ naena jara bɨeda chi mãrapa ichi k'orea ũrinaanapɨ.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

1 Juan 4:17

Mãɨya tachia Tachi Ak'õre mãɨnepa jõma ẽpẽrarã piarã k'ɨ̃ria p'anɨma. Tachi Ak'õrepa ɨtɨai ewaride tachi ne wap'eawẽa p'ananaipɨ, nãɨ ĩjũane Jesucristo nipada jĩra nipadada pẽra.

1 Juan 5:14

Tachi Ak'õrepa k'ɨ̃ria bɨ jĩra tachia ididaipɨra, k'awa p'anɨma ichia ũriparit'a. Mãɨpuru ne wap'eawẽa ichiá ididai p'anɨma.