1 Juan 3:15 - Tachi Ak'õre Pedea

¹⁵ Chi ichi ũpẽa unuemaa bɨ Tachi Ak'õre k'ĩrari mĩa peaparipɨ. Mãrapa k'awa p'anɨma chi mĩa peaparí ewaricha Tachi Ak'õre ome chok'ae baiwẽt'a.

1 Juan 3:15 ပူးပေါင်းရင်းမြစ်များ

Mateo 5:28

Maamina mɨa mãrá jararuma: abaɨpa wẽra ak'ɨk'ari k'ɨ̃riasira abaeda mãɨ wẽra ome ichi sõnepa nemietá oosima.

Marco 6:19

Mãɨ awara Herodiapa Juan k'ĩramá basima. Ichi peapi k'ɨ̃ria basima maamina p'ue oowẽa basima.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Hecho 23:12

Norema chi eda waapẽarã judiorãpa pedea ausidama Pablo peadai k'orea. Mãɨ ẽpẽerãpa piarãnepa pedeasidama ne k'odaiwẽt'a mãɨnepa pania todaiwẽt'a aba Pablo peautadea.

Hecho 23:14

Ãchi p'aarerã chi mãɨrã chaarearãmá mãɨnepa judiorã chõarãmá wãnak'ari jarasidama: —Taipa piarãnepa pedeasidama ne k'odaiwẽt'a mãɨnepa pania todaiwẽt'a aba jãɨ Pablo peautadea.

Santiago 1:15

Nemietá ooi k'ɨ̃risia beek'ari, maapae mãɨya oo beeparima. Mãɨya jõma oo beeda pẽra piuk'ari Tachi Ak'õrenepema ewaricha awara baipɨ.

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

1 Juan 2:11

Maamina chi ichi ũpẽa unuemaa uru bɨ p'ãrione bɨma. P'ãrione nipapari pẽra atua bɨma sãmá wãit'a, mãɨ p'ãriopa ichi tau p'ãrio uru bɨ pẽra.

1 Juan 2:9

Abapa ɨnaane bɨade aipɨra, maamina ichi ũpẽa unuemaa uru baipɨra, mãɨ wapida p'ãrione bɨma.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».