1 Juan 3:13 - Tachi Ak'õre Pedea

¹³ Ũpẽarã, nãɨ ĩjũanepemarãpa mãra unuemaanaipɨra, minachia k'ɨ̃risiarãt'ɨ.

1 Juan 3:13 ပူးပေါင်းရင်းမြစ်များ

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

Mateo 24:9

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ.

Marco 13:13

Mɨne ĩjãa p'anɨ k'orea jõmãɨrãpa mãra unuemaanaipɨ. Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Luca 21:17

Mɨne ĩjãa p'anɨ k'orea jõmãɨrãpa mãra unuemaanaipɨ.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Juan 17:14

Pɨa jarada mɨa ãchiá jarateasima. Maamina nãɨ ĩjũanepemarãpa ãchi unuemaa p'anɨma mɨ jĩra nãɨ ĩjũanepemawẽ pẽra.

Juan 3:7

Mɨa mãicha chiwidi t'õnai p'anɨane ada k'orea minachia k'ɨ̃risiarãse.

Juan 7:7

Nãɨ ĩjũanepemarãpa mãra k'ĩramá p'anɨwẽma. Maamina mɨt'a k'ĩramaa p'anɨma, ãchia nemietá oopataɨ mɨa mietaade a jara bɨ pẽra.

Hecho 3:12

Pedropa mãɨ unuside jarasima: «Israeldepemarã, ¿k'ãre k'orea k'awa k'ɨ̃risiadawẽa p'anɨma? ¿K'ãre k'orea tai ak'ɨ p'anɨma? ¿K'ɨ̃risia p'anɨk'ãra ara tai jua chaareadepa wa tai Tachi Ak'õre k'ĩrari jĩp'a p'anɨ pẽra nãɨ ẽpẽra jɨpa beepisidat'a? ¡Mãɨyawẽma!

Romano 8:7

Nãɨ k'ak'uapa oo k'ɨ̃ria bɨt'a k'ɨ̃risia baipɨra, Tachi Ak'õre ome chi nek'ĩramaapɨ. Moisepa bɨda jĩra ooi k'ɨ̃riak'ama; mi ãpia pida p'ue ook'ama.

2 Timoteo 3:12

Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.

Apocalipsi 17:7

Mãɨne Tachi Ak'õrepa ɨt'aripa peedapa mɨá nãɨya idisima: «¿K'ãre k'orea k'awa k'ɨ̃risiawẽa bɨma? Mãɨ wẽra k'orea tachia ũrii p'anɨt'a mãɨnepa chi ãnimara mietá bɨ chi mãɨ ɨ̃rɨ suak'abari bɨ k'orea mɨa k'awapiipɨ. Ichiaba chi ãnimara poro siete uru bɨ mãɨnepa k'achu diez uru bɨ k'orea k'awapiipɨ.