1 Juan 3:11 - Tachi Ak'õre Pedea

¹¹ Chi mãrapa ĩjãasidaedapema ũri p'anɨ pedea nãɨpɨ: tachi chi k'ɨ̃ria p'ananai p'anɨma.

1 Juan 3:11 ပူးပေါင်းရင်းမြစ်များ

Juan 13:4

Maamina nek'o p'anɨne Jesú bai nɨbeek'ari ichia anamari jɨ̃ bada wẽak'ari maapae k'ak'ua p'oapiparí atak'ari k'ɨrrɨde p'araasima.

Juan 15:12

Mɨa oopi bɨ pedea nãɨpɨ: mãra chi k'ɨ̃ria p'anat'ɨ mɨa mãra k'ɨ̃ria bɨ jĩra.

Gálata 6:2

Nepɨrade p'anɨne chi k'aripat'ɨ. Mãɨya Cristopa oopi bɨt'a mãrapa jõma oodaipɨ.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

1 Tesalonicense 4:9

Mãɨ awara mãra sãmaasã́ ũpẽarã ome chi k'ɨ̃ria p'ananai p'anɨ k'orea, mɨa nãɨ k'art'ade ¿k'ãre bɨima? Ara Tachi Ak'õrepa mãrá mãɨ jarateasima.

1 Timoteo 1:5

Mɨa mãɨya jara bɨma ũpẽarãpa k'ɨ̃risia piadepa, sõpiadepa, piarã Tachi Ak'õrene ĩjãa p'anɨnepa chi k'ɨ̃ria tuananamẽrá.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.

1 Juan 1:5

Taipa Jesucristodepa ũrinana mãrá jara p'anɨ nãɨpɨ: Tachi Ak'õre ɨnaa bɨ jĩra bɨma ne ãareaɨne jĩp'a bɨ pẽra. Mãɨpa ichide p'ãrio mi ãpia pida newẽma.

1 Juan 4:11

Ũpẽarã, Tachi Ak'õrepa tachi mãɨya k'ɨ̃riana pẽra tachi sida chi k'ɨ̃ria p'ananai p'anɨma.

1 Juan 4:21

Jesucristopa chi tachi pae oopi bɨ pedea nãɨpɨ: Tachi Ak'õre k'ɨ̃ria bɨpa ichi ũpẽa k'ɨ̃ria bai bɨma.

1 Juan 4:7

Ũpẽarã, tachi chi k'ɨ̃ria p'ananai p'anɨma, Tachi Ak'õrepa tachiá tachi ũpẽarã piarã k'ɨ̃riapipari pẽra. Jõma chi k'ɨ̃ria uru be Tachi Ak'õrenepa t'õnaanarãpɨ mãɨnepa Tachi Ak'õre k'awa p'anɨma.

2 Juan 1:5

Ũpẽawẽra, mɨa chichupuria idiruma tachi chi k'ɨ̃rianamẽrá. Mãɨ Tachi Ak'õrepa oopi bɨ pedea chiwidiwẽma, mãɨpari mãɨ tachia naenaena ũri p'anasima.