1 Juan 2:20 - Tachi Ak'õre Pedea

²⁰ Mãɨpari mãrapa Tachi Ak'õre Jaore Cristopa teada uru p'anɨma. Ichidepa jõma chi piarã pedea k'awa p'anɨma.

1 Juan 2:20 ပူးပေါင်းရင်းမြစ်များ

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Marco 1:24

—¡Jesú Nazaredepema! ¿K'ãre k'orea tai waa oo bɨma? ¿Tai k'enane chesik'ãra? Mɨa k'awa bɨma pɨ k'ait'a: ¡Pɨ Tachi Ak'õrepa peedapɨ!

Luca 4:18

«Tachi Ak'õre Jaore mɨ ome bɨma. Ichia mɨ jɨrɨ atasima chi nenea k'edea jaramẽrá Tachi Ak'õrepa ãchi k'aripait'a. Ichia mɨ peesima chi k'ɨ̃risia pará, sõp'ua be sõpiapik'oamẽrá, chi jita uadaadaɨrã ãchi k'ẽet'aapii jaramẽrá, tau p'ãrio be unupimẽrá, chĩara jua chaareade mĩa be pia bɨk'oamẽrá mãɨnepa jaramẽrá nãɨ ewaride Tachi Chiparipa ẽpẽrarã pia ooit'a».

Luca 4:34

—¡Jesú Nazaredepema! ¿K'ãre k'orea tai waa oo bɨma? ¿Tai k'enane chesik'ãra? Mɨa k'awa bɨma pɨ k'ait'a: ¡Pɨ Tachi Ak'õrepa peedapɨ!

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 16:13

Maamina Tachi Ak'õre Jaorepa piarã pedea k'awapipari pẽra ichi cherude mãrá jarateaipɨ chi piarã pedea Tachi Ak'õrenepa che bɨt'a jõma k'awadamẽrá. Ichi ara ichi k'ɨ̃risiadepa pedeawẽma, mãɨpari ãarea mɨnepa ũri bɨt'a jaraipɨ. Ichia mãrá k'awapiipɨ mãɨ sãait'a.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 3:14

Mãrapa Tachi Ak'õre Pae pari mimiaparí Jĩp'a Bɨt'a k'aripadawẽa itu bɨdak'ari idi p'anasidama Pilatopa mĩa peaparí Barrabat'u ãjã́ pari bɨmẽrá.

1 Corintio 2:15

Chi Tachi Ak'õre Jaore uru bɨpa Tachi Ak'õre k'orea p'ue minachia k'awaipɨ. Maamina Tachi Ak'õre Jaore nea bɨpa chi Tachi Ak'õre Jaore uru bɨ k'ɨ̃risiat'a p'ue k'awaiwẽma.

Hebreo 1:9

Pɨa k'ɨ̃riaparima ẽpẽerã jĩp'a p'ananait'a. Nemietá unuemaaparima. Mãɨpuru Tachi Ak'õre, pɨ Ak'õrepa ãarea pɨ ome p'anɨ k'aepẽra pɨt'a chi atepe bɨsima. Mãɨya pɨ minachia arapaapisima».

Hebreo 8:11

Mãɨne ãareaɨrãpa mɨ k'awadaipɨ. Chi k'ɨ̃risia ãpia bepa mãɨnepa chi k'ɨ̃risia atepe be pida mɨ k'awadaipɨ. Mãɨpuru mi ãpia pida ichi tuadepemarã́ mãɨnepa ichi ẽpẽrarã́ waa jarateadaiwẽma Tachi Chipari k'awadamẽrá.

1 Juan 2:27

Maamina mãrapa Tachi Ak'õre Jaore Cristopa teada uru p'anɨma. Mãɨpuru jɨrɨdaiwẽa p'anɨma waapẽarãpa mãrá jarateadamẽrá. Tachi Ak'õre Jaorepa mãrá nejõma jaratea bɨma. Ichia jaratea bɨt'a seawẽma, mãɨpari piarãpɨ. Mãɨ k'orea Cristo ome ará p'anat'ɨ ichi Jaorepa mãrá jarateada jĩra.

1 Juan 4:13

Tachi Ak'õrepa ichi Jaore tachiá teada pẽra k'awa p'anɨma tachi Tachi Ak'õre ome p'anɨt'a mãɨnepa ichi tachi ome bɨt'a.

Juda 1:5

Mãɨ ãarea k'awa p'anɨmina mɨa k'ɨ̃risiapiruma Tachi Chiparipa ichi p'uuru Egitodepa k'aripasit'a. Maamina k'aripak'ari chi ichide ĩjãanawẽa berã k'enasima.

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.

Apocalipsi 4:8

Chi mãɨrã ãchi k'ak'awá ĩk'arra sei uru beasima. Ãchi k'ak'ua ãarea tau pará beasima. Chi ĩk'arra ek'ari pida tau ãarea beasima. Ãst'á mãɨnepa teamasi pida sẽnawẽa pedeadepa nãɨya jarapachidama: «Minachia pia bɨma, minachia pia bɨma, minachia pia bɨma Tachi Chipari, chi Ne Ãarea P'ue Bɨ Tachi Ak'õre». Ichipɨ, ichi naena basima mãɨnepa ichi chei bɨpɨ.